Cyber X-files - Powered by Discuz! Board

標題: [原創文章]我在曼谷酒店的一夜 [打印本頁]

作者: crazyemil 時間: 2005-1-27 06:04 PM 標題: [原創文章]我在曼谷酒店的一夜

上年２００４年９月９日，我同一班朋友去ＴＨＡＩＬＡＮＤ旅行，第一晚係曼谷既酒店，大家都玩到３／４點先訓，可能都幾累，返到自己房就上床訓啦，（我係同另一男性朋友一間房兩張床分開）一訓左落去，我朋友已經訓到不醒人事，而我就ＲＥＡＤＹ入睡，但就係呢個時候，我感覺到床尾有野係到"UN"張床，咁跟住我就拉開張被望下，但又無人無物，我個ＦＤ又訓死左，吾會係佢玩我，跟住我就無理到就訓返落床，過一陣佢繼續，我都係無理照訓，成晚都無咩特別，一訓天光........
人地話ＴＨＡＩＬＡＮＤ好猛，我就好彩只係遇到一個貪玩既"朋友"，都吾夠４年前係台灣咁特意，個次就係咁既，我好記得我去４日３夜，我著一對襪帶三對作為更換，我放左係個"gip"入面最當眼既網袋入面，過左第一晚都無咩事，第二日同第二晚都係無事發生，件事就係第三朝，我收拾行李走人個時，發覺我個三對襪吾見左兩對，而我之前又無換過∼∼∼∼臭^_^，我搵得好清楚真係吾見左，咁又趕住集合，咁吾理就走，之後夜晚去到第二間酒店，打開個"gip"，竟然三對襪完整係返到，都吾知點解，成件事吾係我一個人見到，我女友都在場，不過呢兩件事都吾係好可怕姐，仲有其他仲可怕既事，有機會再講

作者: siupigleung 時間: 2005-1-27 11:31 PM 標題: [原創文章]我在曼谷酒店的一夜

我相信大家去過Thailand都知道酒店常有怪事發生.....幸好沒有搞你(哈哈)...
因為Thailand好猛,常常聽到人講...我去過兩次, 兩次都遇到怪事!!
另:唔見左3對襪....是否你女友作弄你呀?!...因你不更換襪子(臭^_^)，她"受不了"...

作者: crazyemil 時間: 2005-1-28 10:50 AM 標題: [原創文章]我在曼谷酒店的一夜

吾係我女朋友玩我呀，不過真係好奇怪，但係都無遇過咩特別野

作者: 鬼畜潮?吹★ 時間: 2005-1-28 12:57 PM 標題: [原創文章]我在曼谷酒店的一夜

哈... crazyemil,感到靈界的好兄弟在戲弄呢~
泰國這個極信拜鬼神的國家,總是聽到不少朋友的靈異遭遇...
酒店不在話下常傳出鬼話,你沒有即場看到這還好了!

作者: Jessie豬豬 時間: 2005-1-28 06:25 PM 標題: [原創文章]我在曼谷酒店的一夜

我始終都係覺得酒店有啲“污糟嘢”~
聽講如果真係要住酒店，都有好多嘢要做做先架~
如果唔係，“佢哋”就會搞你架啦~

作者: crazyemil 時間: 2005-1-29 09:22 AM 標題: [原創文章]我在曼谷酒店的一夜

有架，我地入房前都敲門架，入到去就講"打攪晒"啦，不過我覺得反而係香港所遇既事仲更可怕

作者: skyqtg 時間: 2005-1-29 05:00 PM 標題: [原創文章]我在曼谷酒店的一夜

我都好多時會係酒店過夜，但通常我都會係入房前，大大力咁敲三下門，然後再大聲講話〔唔好意思打攪晒..只係小住幾天，好快就走o架喇！〕之後我至入房放低行理。
記得有一次入住內地一間酒店，在入房前我如常做我應做的事，（在房外敲門打招呼）到了房間後，發覺房內的氣溫很低，想話將空氣調節一下啦！方才發現冷氣跟本無開，那時我的心情好覆雜，正諗緊退唔退房好o既時候，隱約聽到有把聲同自已講..好快就唔凍，你自便喇！我唔會攪你！之後我無退到房，而成晚都冇乜事發生過。

作者: ninpj 時間: 2005-1-30 12:30 AM 標題: [原創文章]我在曼谷酒店的一夜

年年跟我老豆去拜4面x都沒遇過......
雖然聽人講得多.....去到都有少少驚....
但係年年去....都沒見過....

歡迎光臨 Cyber X-files (http://www.cyberxfiles.com/cyberx/)