Cyber X-files - Powered by Discuz! Board

標題: 金茂坪戲院鬧鬼 [打印本頁]

作者: angelalove 時間: 2005-1-14 03:33 PM 標題: 金茂坪戲院鬧鬼

金茂坪戲院位於秀茂坪曉光街
這是一間荒廢多年的戲院，大家知唔知點解會荒廢呢而大家又知唔知點解呢間戲院荒廢左咁耐仲唔拆架呢?
傳聞呢間戲院曾經是一間風光一時的戲院，直到一次意外的發生..................
傳聞意外是發生於一對情呂身上，這一對情呂不知因為一些什麼事情而約定在戲院二樓的洗手間裡放火自殺，但是火勢就漫然得其快，很快就漫然到大半間戲院，而正在在戲院睇戲的觀眾這時才察覺到戲院發生了大火，他們都趕緊逃命。
可惜，戲院在播放電影的時候是熄曬所有燈的再加上濃煙密怖，他們根本就找不到出路逃生
於是，所有人就活活地被燒死了.....................。
發生左這次意外後，戲院的負責人就要求將戲院封閉一段時間，等到時情淡了之後才重開。
幾年後，戲院終於被解封了。但是戲院就不像以前哪樣風光。
然而，怪事就隨著戲院解封的哪天發生了!
有一個母親帶兒了去戲院睇戲，而母親就貪呢間戲院人少少又近價錢又平才帶兒子去睇戲，但是她不知道戲院以前發生過慘劇................
而母親入到去戲院的放映院時，發覺裡面乜人都冇，簡直包場咁濟。而電影將近放映的時候
兒子突然話要去一去洗手間！當兒子走到出來的時候，發覺全戲院竟然全院滿座。
這時兒子的腦裡面充滿問號，他心想點解會有咁多人呢﹖明明入來時得我同呀媽架點解無啦
啦會有咁多人呢而電影已經開始了，而兒子就沒有再理會這件事。直到電影後......................
兒子和母親離開戲院時，他聽到母親講左一句說話後，他就即時嚇到賴尿。
這句說話就是：哈呀仔，呢間戲院真係好喇！冇人去睇戲，比幾廿蚊人就好似包場咁款。不如下次我地再來喇!
這件怪事，很快就傳遍整個秀茂坪區！而戲院的負責人聽到傳聞後就大驚。
下令即時無限期封院。直到現在，戲院還未解封..................
其實，已經有位地產商睇中了金茂坪這塊地，打算將戲院清拆改做成商住樓宇。
可是，清拆工程當日，連續發生了多宗工業意外，清拆工人見到這樣狀況後，都紛紛說唔做！因為他們知道呢間戲院好邪！而哪位地產商在當晚亦暴弊死亡。死因不明..................
然而，現在的金茂坪現已改為貨倉。但是仍有不少怪事在這裡流傳著........................

作者: sze393 時間: 2005-1-14 09:57 PM 標題: 金茂坪戲院鬧鬼

如果係近呢幾十年發生......
應該有報導過.....
唔知大家有冇資料呢....??

作者: nokia123 時間: 2005-1-14 11:29 PM 標題: 金茂坪戲院鬧鬼

呢家仲係到!大家可以去睇~但係好殘,隱約仲見到金茂坪戲院嫁!我以為行過唔知8卦望下都好寒仲要朝早~大家去SEE下啦~仲有呢家唔係貨倉

作者: siupigleung 時間: 2005-1-14 11:38 PM 標題: 金茂坪戲院鬧鬼

金茂坪戲院...很久很久前聽說鬧鬼....已倒閉了嗎?!!(但事由不清楚),
我聽過住在旁邊有幾幢大廈有鬧鬼之鬼故....我有個朋友的老豆是裝潢工人, 他和同事在單位工作時, 兩人目擊椅子在半空飛,嚇得他們不接此單位生意...

作者: benchan 時間: 2005-1-15 11:22 AM 標題: 金茂坪戲院鬧鬼

0係外面睇到金茂坪戲院都經已覺得恐怖啦﹗
再睇下~~又覺得有好重既怨氣0係度﹗
諗起自已搭車經過時~~有一種怪怪既感覺~~但又說不出﹗

作者: morningcall 時間: 2005-1-17 01:09 PM 標題: 金茂坪戲院鬧鬼

個故仔都幾驚, 不過好似將”東城”(如果冇記錯)改做金茂坪, 金茂坪有冇鬼我唔知, 不過佢做咗好多年咸片係真, 之後金茂坪改咗做卓球室或者貨倉. 但系最少已經係十年前啦

作者: erichh 時間: 2005-1-19 06:05 PM 標題: 金茂坪戲院鬧鬼

如果發生了這麼重大的意外...沒理由到現在也沒甚麼人提過...我覺得火災這件事是以訛傳訛的多...或許其靈異故事是由其他原因的吧...

作者: victor0609 時間: 2005-2-25 09:23 PM 標題: 金茂坪戲院鬧鬼

下面引用由hkap6782在 2005/01/19 06:40pm 發表的內容：
我都想去睇下,可以話我知詳細地址嗎?

詳細地址我就唔知啦............不過佢係一個籃球場下邊,籃球場再上就係三間中學,好易搵嫁咋.....

作者: fungchiyuen 時間: 2005-5-8 08:30 PM 標題: 金茂坪戲院鬧鬼

別的戲院我不敢講，但有關金茂坪戲院...開這topic的人想像力豐富，但全是老作出來。金茂坪戲院已停業20年，我在2000年尾在一間物業管理公司做助理主任，金茂坪戲院那座大廈是公司付責物業。有次我同班工人入去睇，裏面好多雜物，因為先前ATV用了來拍《我和春天有個約會》(鄧萃文和江華主演的)。而留在牆上的一幅poster是戲院最後放影的電影，名字忘記了，還是湯鎮業當主角。戲院一帶地點欠佳，根本冇人會用來做生意，唯一的惠康超市也結業。

作者: ppymlo 時間: 2005-5-8 09:08 PM 標題: 金茂坪戲院鬧鬼

我記得大約7年前度，金茂坪戲院已改成分租式臨時地鋪。
我呀唔覺得恐怖呀。
如果你話恐怖，我記得以前去油麻地戲院的環境咪重勁。
重有係元朗大戲院座的木凳，重要一個重怕呀。

作者: fungchiyuen 時間: 2005-5-8 10:41 PM 標題: 金茂坪戲院鬧鬼

好似金茂坪戲院這類結業戲院，香港還有不少，例如白田的南昌戲院、荃灣龍華戲院，還有屯門, 柴灣等，因為戲院間隔較特別，不容易轉做其它行業(多數做跳蝨市場)。冇人租唯有丟空，一係就好似上水行樂戲院或荃灣好景戲院咁拆去重建。
金茂坪戲院沒有什麼怪事發生過。曾經發生過嚴重意外的戲院叫平安戲院，在彌敦道，已是數十年前的事(我還未出生)，因為天花倒塌而死了很多人，後來拆了改建為平安大廈。
出名猛鬼戲院是灣仔東城戲院，即現時東城商業大廈。東城戲院前身係殯儀館，就算是今日的商業大廈，仍是陰陰沉沉的。

作者: WONGYEAH 時間: 2005-5-9 09:49 AM 標題: 金茂坪戲院鬧鬼

下面引用由victor0609在 2005/02/25 09:23pm 發表的內容：
詳細地址我就唔知啦............不過佢係一個籃球場下邊,籃球場再上就係三間中學,好易搵嫁咋.....

間戲院係係曉麗苑沿曉光街斜上方．去以下網址
http://www.centamap.com/cent/index.htm
直接打金茂坪戲院就search到.
本人成日係個邊出入．個轉角位係寒寒地．特別有隻大木馬係度.

作者: aikencheng04 時間: 2005-5-9 06:41 PM 標題: 金茂坪戲院鬧鬼

但其實果個位, 冇計錯應該係當年秀茂坪塌山泥死最多人果度喎.
佢前面就係秀茂坪記念公園. 馬路邊仲有一大堆觀音像呀果d野.
可能係怨靈作怪呀...

作者: chikin168168 時間: 2005-5-11 12:17 PM 標題: 金茂坪戲院鬧鬼

嗰度邊有關門二十年咁耐呀.....我F.1時(12/3歲)都仲有去過嗰度睇戲(嗰度成日播D舊戲),我而家都只係二十七歲,你咪計吓囉!!!
不過我同意你的講法....嗰度只係地點差.....並唔係因為有鬼!

作者: tomken 時間: 2005-5-30 03:01 AM 標題: 金茂坪戲院鬧鬼

我成日都係金茂坪打機都未聽過話有d咩事發生,你話斬死人,白粉友pa針死就聽得多,你話當年秀茂坪塌山泥死最多人果單我就聽過,不過又唔係係果邊,係以前29至三十幾果面後山斜路馬路

作者: ＊千千＊ 時間: 2005-5-30 10:56 PM 標題: 金茂坪戲院鬧鬼

我係秀茂坪住左１０幾年．．
我就住係個間戲院對面ｄ樓到
但係我唔覺得間戲院恐怖
我牙媽仲同我講以前佢同我牙爸成日去睇戲
我唔知係咪有個ｄ野啦
我淨係知道個邊賣得好平但係都冇人買＊

作者: climba83273 時間: 2005-12-27 01:53 PM 標題: 金茂坪戲院鬧鬼

是不是則面有―個小少的籃球場,不過我第―次看見覺得很似―個鬼屋

作者: ecem 時間: 2005-12-27 09:44 PM 標題: 金茂坪戲院鬧鬼

呢間戲院close左大約十年左右啦,冇20年咁耐

作者: 朽木留亞 時間: 2005-12-29 10:49 AM 標題: 金茂坪戲院鬧鬼

原來那間戲院有咁既事故(定係故事?)
平日返學巴士經過都見佢好似荒廢左好耐咁樣,
估唔到真係已經荒廢左咁耐...
不過有時夜晚都見隔離個籃球場好多人打波,
人氣咁旺的地方我又聯想唔到發生過咁既事喎...
(如果係真的, 住在對面樓果d人應該會都遇到怪事呢? 但又無聽聞過)

作者: yankior 時間: 2006-6-3 01:46 PM 標題: 金茂坪戲院鬧鬼

我本人本身係住係寶達村?　之後因為同左男朋友住
以前都有聽ｄ朋友講過（係果邊識?ｄ朋友）佢地係
以舊村搬上黎?　佢地話舊村果時佢地成日同ｄ朋友
去金茂坪果間戲院隔離果個球場打球　佢話比我知有
晚佢地打完球就行去後ｄ果個公園果度傾下計抖下再
返屋企　佢地６個人行到金茂坪果間戲院前面果陣　
佢地其中有２個朋友話見到有個女仔坐係隻木馬度其
他４個就叫佢地唔好玩　但佢地２個就呆住咁答唔係
玩　跟住佢地係咁跑　但隻木馬就追住佢地　佢地大
概跑到　去而家ｓａｍ　ｍａｕ　ｐｉｎｇ警局果度
隻木馬就唔見左啦　而佢地就病左２個星期　而佢地
當中有個仲因為呢件而好似傻傻地咁　自始之後佢地
就再無去果度啦　　
（我唔知佢地有無呃我啦∼但係果邊真係幾陰下ｌｏ）

歡迎光臨 Cyber X-files (http://www.cyberxfiles.com/cyberx/)