Cyber X-files - Powered by Discuz! Board

標題: 請問大家去旅行有否發生過怪事呢??? [打印本頁]

作者: 愛好者 時間: 2004-11-9 10:14 PM 標題: 請問大家去旅行有否發生過怪事呢???

如題目所問...大家有冇起去旅行o個陣發生咩怪事呢???
本人同屋企人,朋友去旅行就有發生一D怪事...真係信不信由你.....話說起三年前(即01年)我地一班人跟團到海南島玩五日,初初頭o個一兩日都冇咩事,如常咁玩足咁多日.....直到第四晚,我同我朋友一個房,我媽咪老豆細佬一間房,聽番我媽咪講,由於第五日係回程番香港,所以我媽佢就執定行李,o個時都已經深夜點幾鐘喇,我老豆同細佬佢地又一早訓左,所以我媽就熄淨盞台燈自己起到執行李喇,執執下...我媽咪就feel到好似有個"人"企起佢旁邊望住佢,你地知啦,執行李當然要"烏"低身執o架啦,更恐怖既就係o個個"人"跟住就慢慢咁烏低身,慢慢咁擰轉個頭望住我媽咪,我媽咪好驚...連行李都唔執,就即刻跳上床訓覺,之後好在冇再發生咩事...其實我住起我媽咪隔離間房,而且我地間房係孖房黎,中間係有度門可以通去大家間房...可能係孖房既關係,起我媽咪發生呢件事期間,同一時間我地都發生左小小怪事,我同我個朋友傾傾下計,台燈上面盞燈無啦啦"斬斬"下,我地都你眼望我眼...連計都唔傾就訓覺,到第二朝大家傾開至知發生過呢件事...
你地都一齊分享下你地自己個經歷丫...

作者: jpm 時間: 2004-11-9 10:57 PM 標題: 請問大家去旅行有否發生過怪事呢???

我自己沒有經歷過,不過我家姐試過
據她說有一次在中國內地旅遊
她是跟另三個同學一起去的
我家姐第一步踏進酒店房間
看到有一張床好像有個女人坐在
但很快就不見了感到有點"唔委"
所以就和隔鄰的同學換房
夜深怪事便開始發生了
嗯..由於他們的房間都有門互通的
所以發生什麼事都會知道
隔鄰的同學a大叫她坐在床上說腳抽筋
我家姐看到a抽筋的位置剛好是那個女人坐著的
不過a只痛了一會兒我家姐見她沒事就沒有說出來
之後回房我姐的同房同學b又好像"鬼上身"似的
我姐說b首先在床上用被子把自己包住
之後問b做什麼 b說不知道=.=
然後突然起身圍著房間狂跑
又回床上看電視又目不轉睛的
由於我家姐當時都很疲倦所以就沒有理會
第二天他們回香港同學a,b就目光呆滯的看著窗口
有時候還會對望但一句話都沒說過..
我家姐怕他們撞鬼所以就不敢跟他們坐
還跟另一個朋友開玩笑說他們在通靈@@"..

作者: josmithy11 時間: 2004-11-10 12:34 AM 標題: 請問大家去旅行有否發生過怪事呢???

我都試過o係旅行時遇過怪事!!其中有一次我同屋企人o係深圳某間酒店住,該酒店好新,而且我o地都住過好多次,但從未遇過任何怪事。果次我o地租左間三人房,間房o既間格頗奇怪,一入門口見到廁所,直行係廳,有3張梳化同電視,再直行通過一個門口就係3張床同另一個電視...基本上成間房呈長形,窄而長。其實一入房已間覺得好怪,我o地聽到個廁所有水滴聲,我媽咪入去見到浴缸旁o既浴廉閂入一半,而且水龍頭有水滴出黎...咁我地就以為執房o既工人大意唔記得關水掣...之後我媽咪沖涼,我同哥哥就睇tv,個電視會自己轉台,但我地還未諗到靈界朋友...我地繼續睇tv,忽然我媽咪大叫:「喂!!做乜熄左我盞燈???」我同哥對望回答:「我地冇熄到呀!!!」當我地講完後廁所盞燈就自動開番......果晚我成晚訓唔著,仲標晒冷汗...唔知心理作用定係乜o野,總係覺得間房有o野...
P.S 果間係尾房!

作者: 小C 時間: 2004-11-10 02:22 PM 標題: 請問大家去旅行有否發生過怪事呢???

海南島係咪對住個沙灘，酒店豪裝果間呀?
果間聽講係有d野唔妥~~
話以前有香港團有個團友0係沙灘玩水浸死左，
可能佢d家人冇做過適當儀式將佢帶走，
於是佢係酒店and沙灘凡遇到香港人，
便求人帶佢返香港~~

作者: derrickman 時間: 2004-11-10 06:39 PM 標題: 請問大家去旅行有否發生過怪事呢???

我就好好彩囉.......去左兩次都冇試過中招.......
不過我以前個女朋友就慘D......果次佢同佢屋企人去左泰國玩~~~
咁係果邊買左2隻公仔啦~~~不過好怪 , 當佢用部相機影隻公仔果時就死都唔Work~~
一影其他野就冇問題.......另外佢仲同我講返係佢大脾多左隻手印......過左成個星期先甩
晒色~~~

作者: 愛好者 時間: 2004-11-10 08:15 PM 標題: 請問大家去旅行有否發生過怪事呢???

下面引用由小C在 2004/11/10 02:22pm 發表的內容：
海南島係咪對住個沙灘，酒店豪裝果間呀?
果間聽講係有d野唔妥~~
話以前有香港團有個團友0係沙灘玩水浸死左，
可能佢d家人冇做過適當儀式將佢帶走，
...

咁我地o個晚又唔係住起對住沙灘o個間酒店,雖然我都有住過(起第一晚)...但都冇事發生過....你所講o個間酒店係唔係位於三亞o個度呀???

作者: 愛好者 時間: 2004-11-10 09:28 PM 標題: 請問大家去旅行有否發生過怪事呢???

小C:
我翻查過,原來我地住o個間酒店,真係有沙灘起附近...係我記錯左...但應該唔會係o個個靈體騷擾我媽咪...佢只係咁嚇親我媽咪,冇做過其他野...

作者: siupigleung 時間: 2004-11-10 11:50 PM 標題: 請問大家去旅行有否發生過怪事呢???

以前我去海南島-三亞住的酒店是親身經歷...
我有列在這網...
http://cyberx.fransoftlab.com/cgi-bin/topic.cgi?forum=2&topic=2728&show=140
小C "海南島係咪對住個沙灘，酒店豪裝果間呀?" ... 我就是住這間酒店的....見到d嘢

作者: josmithy11 時間: 2004-11-11 12:12 AM 標題: 請問大家去旅行有否發生過怪事呢???

其實每一間酒店都必定有靈界朋友的存在,沒有被你睇到並唔代表佢o地唔存在...每逢入房之前,我也會敲三下門、講「打搞晒」及拜拜四角,一來通知房間內o既朋友,二來令自己安心少許而已...=)

作者: 袁振俠 時間: 2004-11-11 02:13 AM 標題: 請問大家去旅行有否發生過怪事呢???

關於“避免入住鬼酒店”本人之前亦發表過一編,
請各位指教....
http://cyberx.fransoftlab.com/cgi-bin/topic.cgi?forum=2&topic=2659&show=240

作者: jacky90104 時間: 2004-11-12 10:38 AM 標題: 請問大家去旅行有否發生過怪事呢???

我通常去旅行都沒有發生怪事，聽人地講就有，而且都好奇怪

作者: 小C 時間: 2004-11-12 02:00 PM 標題: 請問大家去旅行有否發生過怪事呢???

下面引用由愛好者在 2004/11/10 08:15pm 發表的內容：
咁我地o個晚又唔係住起對住沙灘o個間酒店,雖然我都有住過(起第一晚)...但都冇事發生過....你所講o個間酒店係唔係位於三亞o個度呀???

係呀~係0個間，個靈體朋友當年係跟關x旅行社去的，如果我的資料沒錯的話。
不過，最後冇事咪好囉~~
都唔知點解，大陸好多酒店都好「污糟」~~

作者: 小C 時間: 2004-11-12 02:05 PM 標題: 請問大家去旅行有否發生過怪事呢???

下面引用由josmithy11在 2004/11/11 00:12am 發表的內容：
其實每一間酒店都必定有靈界朋友的存在,沒有被你睇到並唔代表佢o地唔存在...每逢入房之前,我也會敲三下門、講「打搞晒」及拜拜四角,一來通知房間內o既朋友,二來令自己安心少許而已...=)

你唔係牙嘛~~去住酒店要拜四角??
講開又講，我以前試過一次返大陸住酒店(唔係尾房)，不過唔係海南省，就撞左隻男的，不過走左之後都冇事發生~

作者: 愛好者 時間: 2004-11-12 06:21 PM 標題: 請問大家去旅行有否發生過怪事呢???

都唔係既,拜埋四角都好既,以防萬一丫嘛...雖然係誇左D~^^

作者: siupigleung 時間: 2004-11-12 09:08 PM 標題: 請問大家去旅行有否發生過怪事呢???

去旅行入住房間要拜埋四角....好像誇張左d.....
請問如何拜?!...是否像新居入伙果d...
如果和朋友或同事出遊...我就什麼不做..(只配帶玉器即可)...費時被人笑
如果和家人親戚出遊則會入房前先拍門...

作者: josmithy11 時間: 2004-11-14 02:15 AM 標題: 請問大家去旅行有否發生過怪事呢???

哈哈...各位,唔係好似新居入伙咁拜,我指o既拜四角係雙手合埋向四個牆角拜一拜^^
其實我地租酒店住就等於打擾到房間o既陰靈...所以通知佢地一下係大家應該做的,以示尊重!

作者: 愛好者 時間: 2004-11-14 06:20 PM 標題: 請問大家去旅行有否發生過怪事呢???

josmithy11:
你咁講都o岩既,如果你信邪喇喎...你入房之前都會先拍門,都唔爭在拜埋四角位啦,預防下都好丫嘛...
其他朋友仲有冇D咩怪事發生呀?唔一定去外地旅行,住酒店o個D家...可以講下有冇試過去camp,或者自己同D朋友郊外玩o個陣有冇發生過怪事之類...一齊分享下丫

歡迎光臨 Cyber X-files (http://www.cyberxfiles.com/cyberx/)