Cyber X-files - Powered by Discuz! Board

標題: 有冇專家可以話我知我應該點做~ [打印本頁]

作者: 天女 時間: 2004-12-10 10:54 PM 標題: 有冇專家可以話我知我應該點做~

我有一個男朋友已經拍左5年拖,同居左2年,我地已經計劃左結婚,
但係唔知由邊一日開始..我發現自己鍾意左我個fd...
呢個fd已經識左6年...而家差唔多一個星期都會出黎3,4次食飯,
熟既程度去到大家訓埋一齊都唔會有野發生,佢手提入面我個名係打"8婆"
係我個電話度佢個名就打"仆街".....
識左咁耐大家對大家都冇感覺...因為我圍內d fd都識左4-5年,
個個都當我男仔咁,而我都冇咩女仔fd,因為我唔太鍾意女仔d婆媽性格...

但係唔知由幾時開始每次我同我男朋友諗將來既野..我就好驚...因為我心入面諗既人唔係佢...係我地個fd..............

而我男朋友係一個工作狂...每日十點返工..夜晚起碼1點先返...
所以我成日都好悶...由於佢咁忙..所以我多數都係自己同d fd出街
去旅行,行街,都係同個幾個男仔fd去,由於我男朋友太忙...佢愛佢既工作多過我..
我地呢一年亦冇咩講...每次同我個個fd出去我就好開心...佢係一個好識照顧人既男仔...我識佢咁耐佢都冇拍過拖...但係佢唔係唔靚仔ga啵...只係佢好怕羞
就萛有女仔追佢佢都唔受...我都唔知點解...
但係我真係發覺自己鍾意左佢,同佢一齊個陣..我有心跳既感覺...係我好耐都未試過有既感覺.....
但係我欠我男朋友既野實在太多,令到我唔敢同佢講分手我而家都唔知點好
但係我我男朋友行左咁耐..感情都好好..佢亦未試過做過d對我唔住既野
佢係一個好有責任感既人..即係做老公就好好...做男朋友就麻麻個隻
而家唔知點做好...唔知有冇人可以話我知~"~
如果我同我男朋友散而去追我個fd有好多問題..
1)可能會大家冇fd做
2)一齊左既話其他fd會好睇我地唔起
就萛我都覺得自己好賤格...有個咁好既男朋友仲諗第二個....
但係愛情呢樣野真係好鍾意玩人...
希望大家可以比d意見我..可以點做

作者: jasonhearts 時間: 2004-12-10 11:56 PM 標題: 有冇專家可以話我知我應該點做~

你對你個fd可能只係新鮮感~~因為你同你男朋友拍拖咁耐~
可能會覺得平淡/悶~不過唔代表你地係唔好~只係慣左~冇左刺激~~
睇到你話你欠你男友太多~感情唔係咁計架~係冇得計~~
你話驚俾人睇唔起~感情係兩個人既事~唔駛理人地~~就算俾人睇起~
時間可以淡忘既~~我都試過類似lei d野~~都幾大件事架~~
不過依家都冇事~~不過最重要係你覺得邊個重要d~同埋"將來"呀~

作者: 天定 時間: 2004-12-11 12:26 AM 標題: 有冇專家可以話我知我應該點做~

如果你同宜家男朋友散係因為你個fd,我可以話比你知,你只係覺得新鮮,一但日子又過左5,6年你可能會覺得無晒依種感覺,你話你男朋友係一個工作狂,其實佢係為左咩要做工作狂,佢只係想將來生活好d!如果佢每日陪住你,你就會話佢唔上進,覺得無將來!
其實話你唔鍾意宜家依果男朋友,你一定唔係,只係大家一齊咁多年,大家慣晒,你可以同佢兩個人去下旅行,咁樣會對大家感情有一定幫助!

作者: wingwing514 時間: 2004-12-11 01:27 AM 標題: 有冇專家可以話我知我應該點做~

當你寂寞或悶悶不樂的時候
男朋友又不在身邊
這個男孩剛好可以填補你的一切所需
又可以給你和男朋友已沒有的心跳感覺
你自自然然會對他有好感
一對情侶相處得久了
還住在一起, 老實說還有甚麼激不激情的 ?
很難每天有驚喜, 晚晚窩心的慰問
你們正計劃結婚
如果他不愛工作不為將來打算你才更應擔心呢
另外有一點...
一對男女, 在感情的摸索猜度期是最為美麗的
你想想我怎樣, 我猜猜你怎樣...
大家都充滿無限幻想, 自然把對方想得十全十美
但當真正一起之後, 誰何保證真相是怎樣 ?
揭開了, 可能都是一樣的不外如是
你對你男朋友其實蠻不公平的
先看看文章內容
全都是說那男孩的優點, 而男友的就全是缺點....
問心的, 如果你男友真的是那麼差
你也不能和他一起這樣多年了對嗎 ?
他必然有優點, 只是你自己刻意不提而已...
你的心已偏向那男孩了對不 ?
我自己覺得, 未揭開底牌時永遠是美的
自己幻想也已經有無限的快樂
但當日子久了... 何嘗不是一樣
除非你想要的是浪漫大情人
每天和你沙灘散步, 炮製驚喜 ...
這樣反而是最好 ?
如果經常抱著這個心態
別說結婚 , 一生也很難只和一個對象終老
我想... 先試試和這個男孩疏遠一點點
起碼不要是每天都會看到
也不要刻意的去接觸他
讓自己的思緒有時間靜一下
另一方面, 主動修補和男朋友的關係
也許可以等他下班去吃個夜消
又或是做些小點心給他帶上班吃
到時候就自然知道...
那個是一時的迷惑, 那個才是真的好伴侶了

作者: christywong 時間: 2004-12-11 01:44 AM 標題: 有冇專家可以話我知我應該點做~

恕我直言......
你post得上黎
個人應為你心中己有個答案
只係你想知可唔可行ja
我覺得感情冇對錯.......
只要真心ga又點會話錯........
感情基本係感覺....
而唔係要有利益.....
更加唔可以以拍拖ga長短去繼續一齊
仲有同你過下半生ga人唔一定係你最愛ga人
但係佢一定要係最愛你ga人
換係我~~我一定會憑自己答案去做

作者: Butn 時間: 2004-12-11 02:58 AM 標題: 有冇專家可以話我知我應該點做~

對住一個事業型男人"5年+2 年",
又真係幾悶死一個20歲怕悶而又仲未想要"老公"o既女仔,
如果結埋婚真係慘過打入冷宮呢!
天女, 在下先分析一下:
1. 你鍾意左你個fd, 唔鍾意你男友已經係事實
2. 你同你bf一齊已經成為你o既"責任"
3. 你講你男友因工作冷落你只係為你之後分手o既決定鋪路
4. 你講你男友係好老公只係你比佢o既道義式讚揚
5. 你宜家需要一個成日陪到你遊玩o既男朋友, 多過一個事業型男朋友
天女, 你要知道感情o既野係無賤格唔賤格,
邊個欠邊個, 有o既只係唔會令自己後悔o既決定!
-----------------------------------------------------------------
而家唔知點做好...唔知有冇人可以話我知~"~
如果我同我男朋友散而去追我個fd有好多問題..
1)可能會大家冇fd做
2)一齊左既話其他fd會好睇我地唔起
-----------------------------------------------------------------
1 之前)
你係咪應該要諗同唔同你男友分手先呢?
呢個問題你要獨立去睇!
當宜家無你個fd存在, 你會唔會因為佢悶同冷落你而分手?!
(即係你唔怕有飛左bf後感情空白)
如果唔會o既, 咁1) 同2) 都唔駛諗了,
乖乖做事業型男士背後o既女人吧
如果決定左點都係分手而又立即溝佢o既話:
1) 佢同你咁耐fd, 唔多唔少會因為你飛左仔追佢而避你
2) 你地一齊左o既, 唔單只朋友睇唔起你地同指指點點,
仲有你爹娘都會有排鵝你(飛左個事業型男友之類)啦
要解決以上兩點,
得一個方法-----------就係等時間流逝.............
你同你bf分手後, 無需要立刻同個男仔一齊呀(如果人地肯o既話),
等時間過去, 比其他人同個男仔認為你感情"傷"好後,
你先同佢一齊(如果人地肯o既話),
如此這般, 其他人就唔會話你水性揚花之類咁多說話啦.
無錯, 係要時間架啦, 鬼叫你要唔安於現狀呀~~~~~
唔想比人講閒話唯有係咁了
歡迎再問~

作者: onizuka 時間: 2004-12-11 09:11 AM 標題: 有冇專家可以話我知我應該點做~

妳個男友祇係無咁多時間陪妳,咁第二個對妳好少少咪鍾意左佢..！　
而妳個個朋友又唔知係咪會鍾意妳既！咁都幾難決定．．
咁試下多d陪妳男友．．唔好見個個男仔一段時間睇下會點啦！　

作者: 天女 時間: 2004-12-11 08:05 PM 標題: 有冇專家可以話我知我應該點做~

um....其實我同我男朋友而家感情都去到幾差既地步
由愛情到感情,再由感情慢慢變淡
淡到我而家一見到佢有少少唔鍾意既就好易抆同發脾氣
(例如:d衫周圍放,用完d野又唔擺返好.....)
總之就係一唔順眼d火就黎..想控制都控制唔到
我都試過整定d野食等佢放工一齊食
又或者煲d湯拎去佢公司比佢飲
做好多好多既野去搵返d感覺
但係好無奈..係唔得...
就萛我只係好想同佢出去睇場戲食下飯都好難
次次都好似要同佢ook時間咁
我其實都唔知我係咪太悶太寂寞太得閒
而家有個人關心我就自己比左自己錯覺都唔知
但係如果要我同我個fd疏遠d睇怕都好難
因為我地真係太friend,
好多時佢放左工冇人陪佢食飯就會買埋野去我屋企
叫我陪佢食...當然我男朋友係知而又唔介意啦
因為我其他fd都會咁做
其實我而家都幾亂...
1)又唔知好唔好我同我男朋友分手呢?
其實自己係唔想分開既
但係感情好似已經冇辦法修補咁
2)究竟我係鍾意左我個fd呀定係佢太關心我
而自己有錯覺呢?
我而家先20歲,我真係好想諗清楚呢個男仔係咪真係適合我
我好驚自己嫁左會後悔~~
不過點都好..多謝你地既意見同關心
始終局外人睇野會清晰d
~thx~

作者: onizuka 時間: 2004-12-12 01:36 AM 標題: 有冇專家可以話我知我應該點做~

妳得個廿歲就諗結婚呀　！　太早啦，重大把野都未做過！
咁妳男友幾歲呀　！

作者: taoming 時間: 2004-12-12 08:15 AM 標題: 有冇專家可以話我知我應該點做~

其實問題是您太年輕，心智還未夠成熟去面對長久的婚姻關係！
拍拖和同居是兩碼子的事，難保您與您那個fd將來同居或結婚後，亦會面對相同的問題，到時或許您會抱怨他沒有上進心，對家庭沒有責任感等等…
不過基於您字裡行間所透露的意思，您本身早已心有所屬，旁人亦不能左右您的決定，但當您處理感情問題的時候，我會有以下建議：
〈一〉處理問題可以用多重思考形式，您會如何面對沉悶的日子？經濟困難的日子？萬一因性行為而有孕，有誰能夠給新生命帶來幸福？或許您選擇以後也不要子女，年老後你會願意與誰白頭偕老？假如因您的選擇失去所有，您會如何去面對獨身的生活？欠缺目標的人生，是否真正是您所選擇的呢？當您選擇快樂才是您所追求的目標，就請不要計較付出的成本，所謂生要能盡歡，死要能無憾，但請您對未死的人要帶點責任感，這才能終生無憾！
〈二〉時間雖然可以淡化問題，但感情不宜拖拖拉拉，因等到年華老去後，您將會失去選擇權，只有被命運選擇的權利，這是女性要面對的現實問題！
〈三〉當您作出任何決定後，請不要再後悔，事情已經發生了，就不能再從新開始，因雙方內心必定會留下烙印，而不能再磨滅。
請您總結問題後，務必要理智地向對方提出分手，盡量用柔情化去對方的不滿，用善意的說話去說明，把對方的傷害減至最低，雖然再見並不一定會是朋友！

作者: 天女 時間: 2004-12-12 01:53 PM 標題: 有冇專家可以話我知我應該點做~

佢今年都係20,佢返左呢份工都3年
呢一年我已經不斷同佢投訴冇時間陪我
佢好想我做佢身後既女人支持佢
但係呢三年我就好似冇左個男朋友咁
每次行街食飯都係搵d fd
就好似早兩日我好想去"朗豪坊"行下
咁我打比佢,佢就話"你叫xxx(我話鍾意個個fd)
陪你去啦,我邊得閒呀,最多你買左d咩我比錢啦,
唔講喇係咁啦,88"
而家就好似我已經同左我個fd一齊咁
行街睇戲食飯都係d fd陪
就連病左都要我個fd買野比我食
但係呢d佢都知ga啵
有時仲係佢叫個fd陪我ga啵
我14歲同佢一齊
到而家6年感情分開我其實真係放唔低
我同佢都好想搵個解決方法
所以我都唔知點

作者: butn 時間: 2004-12-12 02:13 PM 標題: 有冇專家可以話我知我應該點做~

睇黎你都仲係好想同你bf修補關係,
咁你朝住呢個方向先吧
另外建議你唔好餐餐都搵你呢個fd出黎,
你有大把fds架嘛,
輪流搵其他fds出來吧,
咁你見得佢無咁多,
個感覺就無咁強烈了
(ps 我開始覺得你對你個fd o既係錯覺,
同埋因為佢always take care你,
你對佢o既係感激之情)

作者: onizuka 時間: 2004-12-13 12:32 AM 標題: 有冇專家可以話我知我應該點做~

我都覺得係妳對既係錯覺....!妳男友又係既竟然咁都得既．．
一係妳試下妳男友重係咁咪鍾意妳囉！　愛一個人唔係咁既！

作者: christhk 時間: 2004-12-13 03:11 PM 標題: 有冇專家可以話我知我應該點做~

剛剛看完整篇文章及其他人的回覆, 得出一個結論, 正如Taoming所言, 你太年輕了, 面對不了婚姻的責任, 及接受不到感情的變化期.....
每一段感情都會分為數個階段, 萬變不離其宗:
1. 萌芽期: 就是見面時心跳的感覺, 觸電的感覺, 常常想著對方, 想見對方, 又不知如何是好..... 這就是你現在你感覺, 你7年前和你男友, 也有過這些感覺吧?
當和那人正式開始, 就會進入:
2. 激情期: 大家愛得想同生共死, 沒有對方不行, 常常見面, 每天也是驚喜, 每天也是蜜月, 這是最甜及最難忙的時期, 一件小事也可以開心半天, 一句說話已教人回味一天, 在這階段, 很多人會選擇同居, 太激情者更會立即結婚.....
3. 轉變期: 這是激情昇華為感情的時期, 這時大家對對方的了解日漸加深, 但已沒有了心跳觸電的感覺, 當了解越深, 發掘到對方的缺點越多, 這時很大機會會常常爭吵, 為了小事, 大事, 都可以吵一頓..... 如果這時接受不到對方的缺點, 又不懂欣賞對方的優點, 很多情侣就會分手.....
你和男友進入了這一階段, 亦是最難渡過的階段.....
4. 隱定期: 當順利過渡了轉變期, 愛情轉變為感情, 但並不是變為平淡, 因為真正的感情, 是不會厭倦的, 還會慢慢累積, 越來越深, 對方已成為自己的一部份, 你懂得欣賞對方的優點, 體諒對方的缺點, 因為自己的缺點也有對方來體諒.....
經歷這些階段, 時間有長有短, 當你接受另一段感情, 也只是在重覆這些.....
我先生以前也沒有時間給我, 有時甚至數個月到了外地, 我一個人在家等待, 但越少見面, 反而感情會越來越深..... 因為我愛的人, 不是陪我行街看戲吃飯, 而是要真正在乎我的..... 你的男友如此信任你和另一個男人出外, 也很難得呢.....
年輕的人, 可能要不斷經過以上階段, 才能真正體會到感情的珍貴.....

作者: 天女 時間: 2004-12-14 09:41 PM 標題: 有冇專家可以話我知我應該點做~

咁而家係咪應該體諒佢
接受佢因為工作忙而冇時間理我呢~"~

作者: 天女 時間: 2004-12-14 09:44 PM 標題: 有冇專家可以話我知我應該點做~

我都好驚我會鍾意第二個
咁我可以做d咩去修補返個關係...
因為再係咁落去我真係受唔住

作者: 【小魚兒】 時間: 2004-12-15 11:45 AM 標題: 有冇專家可以話我知我應該點做~

你知吾知呀,同一個人一齊咁耐,其實吾係咁容易架,仲有呀,你話你鍾意o左你個friend,其實你自己分吾分到係愛情定係友情先......如果同o左佢一齊,又會吾會真係咁好呢??
不過,呢d野其實冇人可以幫到你架,最後話事o個個都係你自己呀~

作者: onizuka 時間: 2004-12-15 09:17 PM 標題: 有冇專家可以話我知我應該點做~

咁妳一定要諗淸楚啦! 男朋友都對妳幾好呀 ! 但係最緊要係一齊要開心...
二人一齊一定要有愛先可以為持到架! 到份感情係好難為持到架!

歡迎光臨 Cyber X-files (http://www.cyberxfiles.com/cyberx/)