Cyber X-files - Powered by Discuz! Board

標題: 香港最有深刻或轟動既自殺､殺人､鬧鬼新聞係咩? [打印本頁]

作者: slvf 時間: 2006-9-3 03:55 PM 標題: 香港最有深刻或轟動既自殺､殺人､鬧鬼新聞係咩?

大家認為咩新聞最令你印象深刻呢?
如果我就會最記得早前紅衣跳樓事件~
如果係鬧鬼既就一定係火車廣告同早前既青年起高街撞鬼~
噤仲有其他呢??又有冇一些資料可以喚起我0地既記憶去知道返呢~
大家一齊分享一下丫~唔該

作者: yukpark 時間: 2006-9-3 05:55 PM 標題: 大家覺得香港最有深刻或轟動既自殺､殺人､鬧鬼新聞係咩???

嘉利大夏大火之鬼形蹤蹤
小學生玩銀仙結果校長當災夠晒恐怖
屯門汀九飛巴成村人要搬村亞伯夜晚驚到失禁
友愛邨愛明樓失意青年墮樓不治 12-Sep-95
友愛邨愛明樓10樓紅衣失婚婦鬼節跳樓亡 07-Aug-06
友愛邨愛明樓23樓梯間婦人疑因病厭世跳樓亡 16-Aug-06
友愛邨愛勇樓10樓狠母鎚傷繼女後跳樓亡 11-Jun-00
友愛邨愛得樓因病跳樓亡 12-Mar-98
友愛邨愛智樓17樓失業跳樓亡 04-Feb-98
友愛邨愛義樓曾遭性侵犯少女跳樓亡 20-Nov-95
友愛邨愛德樓13樓婦人墮樓亡 11-Mar-00
友愛邨愛禮樓女子跳樓亡 05-Dec-98
友愛邨愛禮樓22樓向父借200元被拒後跳樓亡 08-Jun-95
友愛邨愛曦樓15樓走廊因工作壓力跳樓亡 30-Aug-97
友愛邨愛曦樓20樓箍煲不遂服藥自殺亡 06-Jan
友愛邨最深刻
記起再後補

作者: slvf 時間: 2006-9-3 06:25 PM 標題: 大家覺得香港最有深刻或轟動既自殺､殺人､鬧鬼新聞係咩???

嘩~唔該晒~呀~
一講起嘉利大廈~我想起之前原來有個藝人知道0個度有事~
0個陣我聽恐怖熱線~唔記得係邊個講~
佢話0個陣未有事發生既前幾日~佢上去錄音室~諗住錄歌~
點知上到去~一個人都冇~以為未有人返~因冇開門又噤黑~之後佢未走返落去囉~
之後部升降機停左起(唔記得邊一層~)某層~開門以為有人入~點知望出去都係黑麻麻~
佢咪關門囉~點知呢個時候~聽到有人叫救命~仲好似有d紅光~噤~
佢就以為自己聽錯~望出去又一個人都冇~又噤黑~再聽仲係有人噤叫~好淒厲~
佢就即刻落去囉~打比個錄音室d人~點知0個d人仲反問佢~"仲咩噤遲~仲唔上黎"~
佢話都未開~
原來d人一早起錄音室等佢~上返去又真係0番~但就根本唔知頭先發生
咩事~ 過左幾日就發生大火啦~都幾邪下~

作者: porkchophell 時間: 2006-9-3 08:49 PM 標題: 大家覺得香港最有深刻或轟動既自殺､殺人､鬧鬼新聞係咩???

最深刻是嘉利大火, 在新聞電視中看到一個已燒焦的人伏在窗邊被火燒.
大埔工業村旁的屋村情侶自殺.
因為當天做part time 吃lunch 遲到回公司.
如果遲多5 分鐘. 會看到整個跳樓過程.
因為事發大廈是我必經之路.
八仙嶺大火, 兩件過後和家人去春風亭後.
本想一路走上山, 但自己聽到很多學生的呼叫救命聲.
令我卻步.

作者: 凱提風 時間: 2006-9-3 09:16 PM 標題: 大家覺得香港最有深刻或轟動既自殺､殺人､鬧鬼新聞係咩???

自殺案︰
長洲三女學生燒炭自殺，同日同照竟有相異之處。各大報章均有報導。
兇殺案︰
hellokitty藏屍案。雖然有傳女死者亡魂已離開，但兇案現場鬧鬼傳聞仍不斷。
鬧鬼新聞︰
03年11月，八名青少年夜探南固臺，當中一名少女懷疑鬼上身，力大無窮。
在場數名警員亦不能制服該少女，成一時熱話。
(更正︰當年東方日報報導當事人共有八位。)

作者: muntungf 時間: 2006-9-4 11:28 PM 標題: 大家覺得香港最有深刻或轟動既自殺､殺人､鬧鬼新聞係咩???

下面引用由凱提風在 2006/09/03 09:16pm 發表的內容：
自殺案︰
長洲三女學生燒炭自殺，同日同照竟有相異之處。各大報章均有報導。
兇殺案︰
hellokitty藏屍案。雖然有傳女死者亡魂已離開，但兇案現場鬧鬼傳聞仍不斷。
...

長洲果單係咪 2女1男果單ar= =???
E3個人同我同校,其中2個我識= ="
聽講出事果晚,佢地D fd 訓覺夢見到佢地出事ga經過........(我諗唔係丫wa = =")
不過佢地當發夢....

作者: slvf 時間: 2006-9-5 08:56 AM 標題: 大家覺得香港最有深刻或轟動既自殺､殺人､鬧鬼新聞係咩???

噤夢見咩呀???請問?
點解搞成噤要自殺?

作者: ninjamojo 時間: 2006-9-5 04:13 PM 標題: 大家覺得香港最有深刻或轟動既自殺､殺人､鬧鬼新聞係咩???

沒錯, 嘉利大火, 八仙嶺大火是恐怖, 但畢竟是火災, 而火災奪走人命的悲劇又那只這一兩單?
在香港, 導致大量人命死亡, 而不是無奈的天災其實不多,
但在不久的以前, 發生的那件事, 其實還更恐佈...
各位還記得一單那發生在十多年前的事嗎?
1993年1月1 日踏入零時，新年鐘聲剛響起，兩萬多名聚集中環蘭桂坊一帶迎接新年的市民，互相噴泡沬彩紙和淋潑啤酒，結果引起混亂，釀成「人踩人」慘劇，造成21人死亡，近百人受傷。找出來的死屍, 全身都是紫藍色的...
另外事後有人報告有幾間店外, 事發前的掛畫及圖像, 剛好有21個骷髏頭...

作者: yukpark 時間: 2006-9-5 10:45 PM 標題: 大家覺得香港最有深刻或轟動既自殺､殺人､鬧鬼新聞係咩???

下面引用由ninjamojo在 2006/09/05 04:13pm 發表的內容：
沒錯, 嘉利大火, 八仙嶺大火是恐怖, 但畢竟是火災, 而火災奪走人命的悲劇又那只這一兩單?
在香港, 導致大量人命死亡, 而不是無奈的天災其實不多,
但在不久的以前, 發生的那件事, 其實還更恐佈...
各位還記得一?..

係、我都好想知呢單廿一人頭古菫事件

作者: ninjamojo 時間: 2006-9-6 12:05 AM 標題: 大家覺得香港最有深刻或轟動既自殺､殺人､鬧鬼新聞係咩???

那海報以人面眾生相彫刻為題，每個人扭疊在一起成合桃狀；
據稱，當晚意外發生，死者的數目和堆成一團的形狀，
跟那幅海報不謀而合，令大家議論紛紛了好一陣子；
說元旦慘劇早有先兆；

作者: slvf 時間: 2006-9-6 01:52 PM 標題: 大家覺得香港最有深刻或轟動既自殺､殺人､鬧鬼新聞係咩???

唔係噤猛嘛~我都好似聽過~
我亦記得有曾經有人起發生事0個日見到某處有一個人打比自己家人~
講話對唔住,冇聽到佢家人既叮囑, 去左蘭桂芳~叫佢既家人原諒佢~
詳情我都唔記得好清楚~
但原來佢就係其中一位死者~

作者: yukpark 時間: 2006-9-7 08:25 AM 標題: 大家覺得香港最有深刻或轟動既自殺､殺人､鬧鬼新聞係咩???

等我搜查下问下朋友再放文上黎

作者: josmithy11 時間: 2006-9-13 09:56 PM 標題: 大家覺得香港最有深刻或轟動既自殺､殺人､鬧鬼新聞係咩???

我記得我媽咪曾經同我講過一單發生於60年代o既鬧鬼事件~
話說o係196X年, 中銀大廈前身o既一幢建築物 (唔知係咪美利樓) 裏面o既打字機無緣無故自動發出打字聲音, 而櫃筒就自動打開! 連外國人都唔敢唔相信, 之後仲做左法事添!
呢單鬧鬼事件鬧到好大, 而且仲新聞都有報導。
唔知有無人聽過呢? 或者幫手問下d 長輩, 可能得到更多資料!
除此之外, 我相信無人唔記得1993年屯門公路鬼相事件~
當時都幾轟動!

作者: pekkei34 時間: 2006-9-14 10:21 AM 標題: 大家覺得香港最有深刻或轟動既自殺､殺人､鬧鬼新聞係咩???

永愛村也太恐佈了吧....
那裏到底有幾棟的?
風水太差嗎?
有沒有一棟幸免於難...逃離了自殺潮的?

作者: kimimaro1991 時間: 2006-12-21 10:39 PM 標題: 大家覺得香港最有深刻或轟動既自殺､殺人､鬧鬼新聞係咩???

友愛邨愛禮樓女子跳樓亡 05-Dec-98
果個係我以前鄰居,,
就係格離,,
不過而家我都搬左,,

作者: 克斯頓 時間: 2007-1-10 08:27 PM 標題: 大家覺得香港最有深刻或轟動既自殺､殺人､鬧鬼新聞係咩???

嘩！友愛邨真係好邪喎！
唔知大家仲記唔記得大學既(邊)子姑娘呢?
以前成日都有人話係大學站見到個孖(邊)女仔
郁都唔郁企係度好似等火車甘

作者: 克斯頓 時間: 2007-1-10 09:24 PM 標題: 大家覺得香港最有深刻或轟動既自殺､殺人､鬧鬼新聞係咩???

仲有一個老師帶着幾個小學生到
吐露港近科學學院的一處紅樹林遊玩
(實際地點唔識講)
後來遇上大雨，於是老師帶着幾個小學生
到附近的一條引水道避雨，
結果全部被洪水沖走晒，
好似一個都揾唔翻
我幾年前同朋友去過靈探，
要擒上d石頭先去到條引水道，
上到去如果無電筒的話真係伸手不見五指，
一d光線都無，係入面除左有極多蝙蝠之外.......
亦都聽到好多小朋友係度玩既聲音......

作者: cash0346713 時間: 2007-1-10 10:23 PM 標題: 大家覺得香港最有深刻或轟動既自殺､殺人､鬧鬼新聞係咩???

管理員按：無意義回覆。

作者: orzzz 時間: 2007-1-11 03:01 AM 標題: 大家覺得香港最有深刻或轟動既自殺､殺人､鬧鬼新聞係咩???

下面引用由克斯頓在 2007/01/11 05:24am 發表的內容：
仲有一個老師帶着幾個小學生到
吐露港近科學學院的一處紅樹林遊玩
(實際地點唔識講)
後來遇上大雨，於是老師帶着幾個小學生
到附近的一條引水道避雨，
結果全部被洪水沖走晒，
好似一個都揾唔翻

o個度冇記錯係大埔公路大埔滘自然教育徑近松仔園
當年件事發生o係該處引水道下著名o既 "猛鬼橋" 橋下 (而家件橋上面有塊紀念埤 o係度)
不過原來呢件事發生前本身已經好猛, 據講經常有白衣女鬼於該處截車搵替死鬼 ............

作者: winwin1983 時間: 2007-1-12 11:18 PM 標題: 大家覺得香港最有深刻或轟動既自殺､殺人､鬧鬼新聞係咩???

仲記得蘭桂芳踏死人事件發生既時候既我當時好細個,一起身睇新聞覺得好恐怖,好難以至信發生咗d咁既事,所以呢件係我最深刻既新聞,以後我都唔敢去d人多既地方...

作者: lesley912 時間: 2007-1-14 12:07 AM 標題: 大家覺得香港最有深刻或轟動既自殺､殺人､鬧鬼新聞係咩???

下面引用由ninjamojo在 2006/09/06 00:05am 發表的內容：
那海報以人面眾生相彫刻為題，每個人扭疊在一起成合桃狀；
據稱，當晚意外發生，死者的數目和堆成一團的形狀，
跟那幅海報不謀而合，令大家議論紛紛了好一陣子；
說元旦慘劇早有先兆；

記得當年我逃過大難！話說當日晚上係朋友開 party，
佢住係銅鑼灣，當晚一大班人玩完食完無聊起嚟就打麻雀，
講好零食十ニ點要去蘭桂坊倒數，大約打到11:30都未打完，
但又打到興起唔願走，話打埋最後一圈就飛的去果邊玩，
後來大約 11:45~11:50 因為打麻雀又開咗電視好嘈，
所以熄咗，到咗終於打完啦咪開番電視 law.......
諗住睇吓直播蘭桂坊嘅熱鬧情形，點知一睇就見到慘劇發生，
依家諗番個心都好寒 ar..........！

作者: cash0346713 時間: 2007-1-16 09:18 PM 標題: 大家覺得香港最有深刻或轟動既自殺､殺人､鬧鬼新聞係咩???

管理員按：無意義回覆。

作者: 克斯頓 時間: 2007-1-19 02:12 PM 標題: 大家覺得香港最有深刻或轟動既自殺､殺人､鬧鬼新聞係咩???

仲有一單係好多年前都幾出名，
就係新娘潭o既故事，經過係點我唔記得左....
唔知有無人記得呢?

作者: 無雙直傳 時間: 2007-1-19 03:46 PM 標題: 大家覺得香港最有深刻或轟動既自殺､殺人､鬧鬼新聞係咩???

有時跳樓的「聖地」真是好似有一樣。如我從前往的大廈就很多人跳過，我還遇到過一次，人家在那大廈跳樓。不知是風水，還是環境對人的心理做成影響，那麽愛到同一個地方跳樓。

作者: crazysheep 時間: 2007-2-16 05:30 AM 標題: 大家覺得香港最有深刻或轟動既自殺､殺人､鬧鬼新聞係咩???

仲有狐仙現身都無人講..當年好轟動架啵
唔講唔知..友愛咁多自殺案..好嚇人姐
鬧鬼新聞最轟動都係03年南固臺果單..

作者: lamwys 時間: 2007-5-23 06:49 PM 標題: 大家覺得香港最有深刻或轟動既自殺､殺人､鬧鬼新聞係咩???

管理員按：無意義回覆。

作者: TomHomc 時間: 2007-5-25 01:07 AM 標題: 大家覺得香港最有深刻或轟動既自殺､殺人､鬧鬼新聞係咩???

美利樓同狐仙呀...我記得無記某個時事節目講果...
仲好似係7點幾播添...
(好想搵番果日果個節目...但係我連佢ge咩名都唔記得= =")

歡迎光臨 Cyber X-files (http://www.cyberxfiles.com/cyberx/)