大約15年前,當時約15歲,那時的人會比較喜歡露營,(宿營o係近10年比較多)
當時我跟我阿叔,佢女友,女友的一名女性朋友,以及3名男性朋友一共7人,
到荔枝莊露營,我們首先坐車到西貢某地點!當時知識有限,我以為到了!
一問之下我們原來還要由山頭行去山尾,無法啦!阿叔帶你去玩,二仔底(死跟)
啦!沿路一片鳥語花香,行了1小時問阿叔到未,佢話未,重叫我行快D添!
大約3:30~4:00我們行了大半路程,差不多到,漸漸發現條路越來越窄!旁邊你估
放左D咩o野?係一個二個金塔~~~當時我開始驚,驚係騖一個唔覺意伸左一腳
整爛D塔,到約5:00(前後)終於到達,那邊有一大片空地,右邊有山,左邊有海,
後面有河!我們於是就在空地紮營,當時我無所事事,佢有佢紮營,我有我去做
靈探(講笑),其實係週圍走,我遠處見到山邊有D東西好整齊放着,好奇心跑去
看!當到達才看到又是金塔,我又好騖就立即跑回營地(可能當時接近日落關係
又或是其它原因...要接近才發現那些是...........金.....塔~~~~)
跑了回去我同佢地講話那邊好多金塔,有D塔重爛左,叫佢地唔好過去!之後大家
就開始整野食,整野食中途大家發現了一件事,就是山邊出現了很多(鬼火),見到
鬼火反而大家都無驚,好似見慣在o禁,我就唔同喇!我一路食野,一路重睇緊D鬼火
有冇漂過黎!幸好無^.^但我又發現那刻除了鬼火外,那邊有好幾對發光的眼正向
過來,我立即再同佢地講,而我阿叔話果D係山狗,叫我唔使驚,有人佢地就唔會埋黎!
之後有一位哥哥話張兩位營面向面放埋一齊,中間封一邊留另一邊出口,營裡再放好
斧頭之類,慎防山狗或其它東西襲擊!打後我們入營準備睡覺,當大家都安靜下來的
時候,發現由外面的營火透入的光影出現了好幾個影子,外面更傳來一些不知明的
聲音,之後有一位哥哥話要出去睇,叫隔離揾一個人做Backup!拿着斧頭,就出了去,但
不到1分鐘兩人就回來了,他們異口同聲話係山狗wo!當然山狗就放心啦!大家都開始
慢慢入睡,而我都係瞓唔着,打後有一位哥哥問我要唔要小解,叫我陪佢,於是我就陪佢
出河邊小解,我當然亦講了唔該借借啦!而哥哥就忘記了,我立即提醒他,他也立即說回
借借,成晚高潮由此開始!!!當小解尾段哥哥問我有否見到對面那條小路有一個女性的
黑影行過,那時我心知不妙,知道佢(中招)!我立即問佢那人尚在行嗎?他說:是!我就立即
用電筒一照!一照之下對面顯然是..........無人!!!!!那時侯哥哥呆了,我立即扶他回營並叫
醒了所有人告知.當所有人看着他時他好像忘了什麼,我們再說的時侯他說沒事,叫大家
安好去睡,那時大家見他沒事都紛紛去睡了.
到了半夜,我想大約是3:00~4:00,那位哥哥吱吱咕咕,我問他什麽事,他沒答,我就立即叫第
二位哥哥看看,看看之下發現吱吱咕咕的哥哥發高燒,並通知大家,大家回想都知應該發生
什麼事!於事阿叔下領立即執營,我就揾退燒丸比哥哥食,最麻煩就係叔叔女朋友個Fan
驚到喊,其他人o係度執營佢就一路喊,我就同佢講喊都無用,我都好驚!快D執好就走!
執好之後我們立即向碼頭那邊走,另外一位哥哥要背那位(中招)的哥哥呢!我問阿叔那邊
真係有船嗎?幾點先有?佢話一日好似得兩班!最早的是5:30,我走時還向那河邊及小路幫
那哥哥謝罪,說他是無心的!
天亮了,我們到達碼頭,上了船,那哥哥未退燒,船開哥哥話見到有個女人在岸邊跟他揮手.
我們好一致望向岸邊,並不見有人,那時大家都向那邊拜拜,希望佢大人不記小人過;大約
回到大半路程,哥哥的燒景完全退了!大家又驚又喜放了一口氣,但當時回程時大家都一
字不提當晚的事,因避免再招來靈體!
所以以後大家凡事要禮禮貌貌!
(此乃我又一親身經歴) |
發表於 2005-9-1 10:52 PM
| 
