|
 
- UID
- 8587
- 帖子
- 63
- 精華
- 0
- 積分
- 10125
- 代幣
- 10062 元
- 評級
- 0 分
- 閱讀權限
- 50
- 來自
- 東九龍
- 在線時間
- 0 小時
- 註冊時間
- 2004-7-18
- 最後登錄
- 2006-4-25
|
1#
發表於 2004-12-21 08:35 AM
| 只看該作者
少年時候家裡是開玩具工廠的，廠裡有一名非常勤奮的男性員工，他給我們的印象；是一名時刻都笑容滿面、待人真誠又健談、有責任心、喜歡幫助他人，而又是十分孝順母親的大哥哥。他除了在廠內幫忙一般的工的作外，最主要的便是駕駛貨車。每一天，他都會駕著貨車出外一至兩次，把外發給附近屋村的玩具加工配件收回廠，這便是他的日常工作。
一天的午飯時候，我因為不用上學，所以便來到廠房，本來一心想話陪爸媽吃午飯，可是因為一個電話，令到大家的心情很沉痛與難受，大哥哥死了~~！多令人難以接受啊~~！警方跟隨著貨車上的行車証紀錄找到了爸爸，叫爸爸前往認屍，回來後對我們說：「原來大哥哥是在駕車出外收貨的途中出事，警務人員話發現貨車停泊在路邊很久，但係又唔見有人上落貨，覺得奇怪之下便上前查問，點知卻發現大哥哥已經死去，初步認為死因可能是心臟病，因為大哥哥死o既時候面目很痛苦.....！」當下全廠人都冇晒心機做0野，於是乎爸爸就讓工人們提早放工，而我們也就回家去了。奇怪o既事...好快就係第二日發生o左喇！
到了第二日o既下午，因為大哥哥以經唔係度o既關係，爸爸為有親自駕車去收回已加工好的外發配件，而我也因為無所事事之下，跟著爸爸隨車而行，去到目的地等了一會兒之後，便看見幫忙做外發的居民推著空無一物o既手推車而來，奇怪~~？？爸正想要問什麼o既時候，一名居民卻剛巧將話題打斷了，佢笑笑口咁同我地講：「咦！乜馬仔今日唔o黎送貨俾我地加工，攪到要佬闆親自出馬呀！我都叫o左佢要小心身體啦！有病就要快快睇醫生，尋晚佢o黎收貨o既時候，真係俾佢嚇一跳呀！面青唇白，連說話都唔多句呢！」聽倒佢咁樣講，我就已經呆o左，爸爸定一定神，然後用好平靜o既語氣同佢講：「係呀！馬仔病o左，今日我地經過附近，想話睇下仲有冇貨未收齊，乜呀馬仔尋晚o黎過咩？」(馬仔就係大哥哥) 而那位太太就答：「係呀！尋日下午等o左好耐都唔見佢，到o左夜晚八、九點o既時候，佢打電話o黎叫我地推d貨出o黎路口，見倒佢滿頭大汗，好似好急咁，工廠一定係趕工喇！」之後爸爸對班幫工講，話配件廠未有配件送過o黎工廠，所以今日未有配件俾佢地加工，然後我倆便駕車回廠去，係途中，我和爸爸也沒有說過一句話。
返到廠房後，爸爸一泊好車，就馬上打開車尾o既斗門，這時我發覺爸爸眼濕濕，仲聽倒佢好傷感同好無奈咁講：「一個死去o既人，都依然不忘本份、依然堅守工作剛位，實在係難能可貴啊！咁年輕就去o左，真係太可惜呢！」唉！原來車斗內~~~已經裝了滿滿一斗，加工好o既配件！當時我真係諗唔倒講咩好！唔知點解！雖然發生o左一件咁靈異o既事，但係我一d都唔驚，反而仲好似加重o左內心o既沉重感！le晚...我大喊o左一場！
之後每隔一段短時候，工廠就會發生一d唔尋常o既事，好多時因為趕貨o既完故，有d男工會係工廠過夜，而le一部份工人都話，一到半夜電表房個氣泵就會無原無古咁運作起o黎，玩具組件工具亦都會自個兒運作，有趣o既就係，如果我地收工o既時候，冇將廠房收拾好，到第二朝開工時，我地就會發現到，個廠房會整理得一塵不染。我地大家都相信，馬仔哥哥都仲係我地o既身邊，可能佢真係唔捨得離去呢！
整個事件o既發生，我諗我一世都唔會唔記得，由其係每年o既聖誕前席~~~
今晚特然間諗起大哥哥，唔知佢而家做緊邊家人o既仔或女呢！
另外我係度祝各位網友：聖誕及新年快樂、心想事成、工作順利，搵倒剩倒身體育好唷~~！
[glow=255,red,2]文字[/glow] |
|
