[認真討論][原創文章]4年前o係龍古灘 o既事 龍古灘

venia79

有一日，男朋友同我揸左架車去龍古灘度談情，我地去到最入 o既發電廠前 o既一個路口，
o個個路口o係係左邊，咁我地轉左去之後，再轉左邊，有一條路仔(我唔知可以入到邊，因為我o個陣時每次去到都係 o係第一個可以泊一架車 o既位度停車)，咁我地去到第一個泊車位度停左o係度傾計，過左大約5分鍾，我聽到有一陣陣 o既聲，把聲好似 d 獅子咆哮聲咁，咁我就問我男朋友有冇聽到，佢就話冇，咁我自己都以為我自己聽錯，我就冇理，繼續同男朋友傾計，過左一陣又有 o個把咆哮聲，仲要越黎越大聲，越黎越近，近到好似o係架車出邊咁樣，咁我再問我男朋友有冇聲到，但係佢都係話冇，之後我就叫佢去車走，唔好再留
o係o個度。
我都而家都唔知o個把係咩野聲呀，有人講就話以前龍古灘度有老虎，但係我自己又諗，乜而家仲有老虎咩?????
[o個度係龍古灘入面，過左d燒烤樂園再要入d，入到未到最尾o個個發電廠o既前小小o係左手邊o既路口，入左路口之後，直入係有個鐵絲網，而左面係有一條路，車可以入到去}

blackman1966

我想知道大約時間,因為龍鼓灘去到尾是垃圾堆填區,如果堆填區還沒下班
就會有垃圾車入去,而那條路是斜路,車輛的噪音會比較大,加上四周環境空曠
那回音可能令妳有錯覺都唔定.

venia79

我記得o個晚係 11-12點到呀~~~我聽到d聲到唔敢再回頭望，我只係猛咁叫我男朋友開車走~~~~

cykin1

會唔會係狗叫呢,但係你男友冇理由聽唔到架.仲要越黎越大聲,思覺失調吧@@

鬼鬼

你講果個位我知係邊到...入過去添....日頭同夜晚都去過...我夜晚9點同12點都去過...日頭11點左右去過可惜完全遇唔到樓主所講既野...