記得上一篇同大家講過去大嶼山塘福o既經歷,唔知大家仲記唔記得呢?今次要講o既地方依然係大嶼山,但係個地方名就唔係好記得叫咩,只係記得o個度d屋全部都係用紅色o既磚造外牆.如果大家知道個地方名的話,不妨話返俾我聽,謝謝.
o個一晚,我同四個女仔一個男仔大約八點鐘左右入到大嶼山,由於我地一早已經租左渡假屋,兼且已有兩個男仔一個女仔預先入左去打點一切,所以落船後我地只需坐的士入去便行.我地六個人分開坐兩部的士入去,沿途除左只係見到黑漆漆o既街道同埋一支支o既街燈之外,就乜都見唔到,我只知道我坐左好耐好耐.大將四十五分鐘後,終於到達渡假屋了.落車後,我地即刻去搵我地o個班朋友,原來佢地已經透好爐等我地,好讓我地一去到就可以即刻燒野食.之後我叫d女仔留o係度燒野食先,我就同幾個男仔拎d行李上去,兼且拎d飲品落樓.安頓好行李後,我地就拎埋d飲品落樓下去燒野食.經過大約三個鐘頭o既燒烤大會後,我地就返上屋休息.由於我地預先買左一個排球準備去沙灘玩,所以我地稍作休息後,便向沙灘出發.
由於我地唔熟環境,結果要搵左半個鐘咁上下先搵到個沙灘,之後我地就即刻開始我地o既沙灘排球賽.開始時都唔覺有咩怪異現象,但係當其中一個朋友將波打左落水後,我就開始見到d不可思議o既現象,原來水裡面企左七至八個o既黑影o係度,當時我有d驚,我驚佢地唔知會唔會傷害我同我d朋友,於是就叫佢地小心d打,唔好打個波落水,就算打左落水都要由我去執番.咁樣就可以避免左佢地行落水o既危險.至於我,因為有護身符o係身,所以心諗應該無問題啦.而我亦都無話俾佢地聽我見到有靈體o既出現,因為都係o個個原因吧-因為唔想掃人地興.但係有個心水清o既朋友知道我成日都會見到靈體,便拉開我去一二面問我係咪見到d咩,於是我就照實話俾佢聽,然後佢借故話唔舒服,提議眾人返去休息.大家亦都因為覺得倦了,所以就接納提議返回渡假屋休息.回程路上,由於沒有街燈的關係,我地只靠三支電筒去照明引路.突然間,我的其中一個朋友無端端將電筒照向一棵樹上,我即時嚇得目瞪口呆,因為我見到樹上竟然掛左一個女人
o既人頭o係度,我嚇到完全唔敢出聲,因為個人頭係好惡咁(啤)住我地,之後我呃佢地話我唔舒服叫佢地行快d.當我地行到去附近一塊空地時,更加恐怖o既野竟然出現o係我眼前,我見到o個塊空地有大約七至八十個靈體o係度望住我地,佢地好似成條村d人咁企o係度.雖然佢地無任何行動,但係已經足矣令我嚇到半死.o個一刻真係腳都軟埋,個腦好似一片空白咩都諗唔到咁.之後要靠一位朋友扶住我先可以行到返渡假屋.返到渡假屋後,我停止了所有遊戲同活動,就即刻上床訓覺.
呢次宿營之後,我病左成個禮拜,唔知係咪太過真實,直到依家為止,o個個女人頭同埋o個班靈體依然存在o係我腦海裡面,只要一想到就覺得毛骨悚然.如果你地見到的話,結果會點呢? |