極級情緒化..... 鬼, 神

curious5354

我諗左好耐都唔知個topic應該寫乜好...
我太多野煩喇!!! 依一年黎都要準備alevel...
真係好鬼大壓力...又冇渠道可以發洩喎...
日日都就溫書溫書溫書...past paper past paper past paper...
人都癲呀!!! 搞到個人痴痴地喎...
想見下d fds啦...又要溫書...勁耐冇見...
尋日明明準備好哂出去溫書架嘛...
點知突然情緒突變!!! 180度改變...勁唔想出去溫...
一係就明明同同學溫書都冇乜野架喎...
可以無啦啦突然之間勁頹...勁唔開心...
人地一問我少少野就大發雷霆...勁燥咁剷人...
屋企又係老土!!!! 日日都已經要溫書架啦...
搵日relax下一d都唔過份囉...佢地自己七日都有一日day off啦...
一放自己假果日就話我成日都唔溫書...喺度講人生大道理...
煩到嘔!!! 會考果陣已經係咁...搞到我精神壓力勁大...
又唔係冇溫書喎...最後壓力大到勁失準...要repeat!!!
佢地好似唔識汲取教訓咁喎...不斷煩煩煩...問問問...哦哦哦...
管少日都好似會世界沒日咁...嘩!!! 煩到震呀!!!
勁多唔如意啦依排...一句說話...無啦啦比人插到飛起!!!
痴線架!!! 我講事實咋啵!!! 唔啱聽咪唔好理我囉...
又要周圍唱我d野...又要公開喺日記度插我...
我同佢講尊重下我得唔得...佢又勁自己我中心果度理你死ge態度!!!
有事鍾無艷無事夏迎春果d人喎!!! 唔理佢又有藉口插我...理佢又乜都要就住佢...
十八歲人都仲係咁...對住佢真係嘔血!!! 依家件事比佢唱到街知巷聞!!!
救命呀!!! 仲要考到五月呀...依d生活真係令我窒息...
最近大家見我又活躍番...都係因為面對「人」壓力太大...
只有面對住「電腦」依一種死物我先叫舒服d...
但係一諗到又要溫書又頹哂...唉... /.\  勁想大叫...「幾時先肯放過我呀!!!」
發洩完畢~ 謝~*

TinaWater

波波, 估唔到我好日唔上嚟, 一上嚟就見到你唔開心......唉!
我同你傾過偈, 都明白你屋企咩問題...
不過, 考alevel係咁架喇......呢幾個月係博殺期, 你要加油呀!!!!  ^.^
如果溫到個人頹頹地, 留喺屋企休息會俾人哦咪出去打下波囉~
最多你一返到屋企俾人即刻哦時, 你就即刻呢入房溫書, 佢哋咪冇聲出囉~
唔好逼得自己太緊呀, 你自己都知壓力大會影響成績架啦!
至於俾人插,俾人唱, 正所謂 "謠言止於智者", 你清者自清, 同佢拗咪盞同人哋一般見識!
佢一路係咁講你壞話, 明眼人一聽就知呢個人嘅人品係點啦!
如果信佢講嘢而唔信你為人, 呢啲都唔係你真正嘅朋友啦, 你又何須咁介懷呢?
你呀~  而家先19歲仔, 咁快話頂唔順, 以後仲有幾廿年要過, 你點算呀??
如果有咩唔開心, 可以msn同我傾丫~  我而家好少開icq, 我pm我msn俾你啦~~~
>.^

curious5354

umm...其實都未算唔開心ge...
只不過係勁躁底囉...@@"
咁當然我都明白alevel係要捱...
不過地好似一d都唔體諒我咁囉...
完全搵唔到渠道去抒發...
好似夜晚溫完書番屋企咁丫...
溫到八點幾先番去食飯...
個人已經累到唔想講野架喇...
佢地仲要問長問短多多聲氣...
問...聽日考試??? 係咪考大學???
幾點考??? 邊度考??? 考乜野???
識唔識去??? 洗唔洗我陪你去???
溫哂未??? 有冇信心??? 難唔難???
完全係轟炸式問問題...煩到嘔!!!
之後又叫我食多d菜...我飽咪唔食囉...
又話食啦食啦...我話唔食左好多次...
佢又喺度黑面話「講一聲咪得囉!!!」
我忟起上黎駁佢話佢都問左我好多次
根本係自己攞黎賤!!! 又冷戰左成晚...!!!
完全覺得喺依個屋企係過份地被保護...
搞到自己行上黎同一個白痴冇乜分別...
ha~ 咁又係真架喎...謠言止於智者~~~
其實知道件事ge朋友都冇話過我d咩囉...
因為我根本就講緊事實...而唔係老作唔係串嘴...
有個別幾個人走黎問我發生乜事...
我講完...佢地都坦白承認條友係鍾意背後講人...
但係平時喺人面前又會好似好有德道修養咁...
所以大家都冇乜點理過佢點樣去批評我囉...
我煩就煩左...黎緊graduation dinner都仲要同佢拍檔做司儀...@@"
ha~ 仲有幾個月就20歲仔喇...好期待...^^"
umm...我知道自己問題出喺邊度呀...
即係自己完全唔識得佛家所講ge「釋懷」囉...
成鬼日都好執著一件事...好想做到perfect...
我唔怕付出...但係我怕付出左得唔到收獲...
我講緊ge就係alevel喇...到時真係喊都冇用...
anyway啦~~~ 我會慢慢適應依種非人生活!!!
仲有成個幾月慢慢捱呀...=.=  多謝哂!!! >v< 收到你msn喇~ ^^

百葉窗

深感同情,我也明白讀書的苦況,例如當溫到一些溫極都唔明的課題,導致情緒低落之餘真係火都黎,不過讀書沒有捷徑的.
一起加油吧!

curious5354

exactly!!!
佢地d人真係當我神仙架!!!
溫唔明已經火滾架啦
番到屋企仲要問長問短
食住飯黎諗果陣又比人煩
食完飯坐埋一邊諗又比人煩
平時好日都同我講野
係要喺我考試果陣先黎同我講...
唔出聲又問我係咪比人蝦...
痴線!!! 喺學校我蝦人就有啫...
幾可有人蝦我啫...都中七啦...傻ge!!!
總之遇到佢地問d無聊白痴問題
撞正溫書唔如意就勁躁底架喇!!!

反反白

sorry~我發現你的post可能遲左少少~
但~睇你所講的野~知道你自己比左好多壓力自己~
無論係自己的問題/人地的問題
屋企的問題/自身的問題,
但,在過程中~好明顯的你未搵到一個方法去令到自己放鬆一d
你那些的不安,有d野有d野,知道唔係人地的問題但又好唔知點噤......
好多野都收左在個心入面,入左在自己的身上~
開始頂唔順ma?!~~冷靜d!
你鍾意d咩野/做d咩/去咩地方/食咩野.......
你搵一樣係覺得最relax的野~~搵個時間,慢慢玥去感受一下~~個人會放鬆d的
一係好似我噤~
我會去碼頭,望天!~~感覺一流的!!

curious5354

哈~ 唔緊要...遲覆好過冇人覆嘛~~~ thx~!! ^^ 其實都係架...話哂alevel咁緊要... 點都會比d壓力自己ge~ 但係比左幾多自己都都真係唔知... 記得考之前果日miss仲走黎話我d緊力「上哂塊面」度... 我果下都唔明佢講乜架... 但係走去toilet望一望...完全明白...勁殘果種... 你同水姐都分別講中哂我ge問題囉... 我其實真係有好多野收埋喺個心度唔敢同人講 even講都只係會係好少數ge朋友... 但係大家都係考試當中...我唔想煩到大家... 有d放喺個心唔遘...的確可能會比講出口和平 但係辛苦ge係自己囉...我由細到大都會咁...@@" 當然...如果遇到d好過份ge事...我就唔會忍架喇... 但係我唔可以將個人感情太過主觀化咁投射喺人地身上架嘛 咁樣唔單止令人地唔高興...我都會唔好意思啦...>.< well...初初考果幾日會比較緊張... 但係慢慢我就適應左喇...中英文對我黎講唔難...haha~~~ ^^" 但係我想信遲下就會又緊張起黎喇... 三科ALEVEL...ECON...BUSINES...ACC... 我最冇信心係ACC...ECON以前怒炒...但係我有信心今次會合格... BUSINESS要駁攞CREDIT...都係勁難架... ACC就...隨時有炒ge危險!!! 所以又要好緊咁溫書喇... umm...其實最近都搵到relax ge方法架喇... 都係去踢下波...打下波...打下康樂棋同做gym咁啦... 出一身汗我會精神d...又會冇咁大壓力囉~~~ ^^ 真係多謝你呀!!! >v<

sgrlto

ｊａ係以加點呀？？
你家人成日逼你溫書？正正常常咁溫書尼樣野，以經係我小學六年班果時消失左∼
但我而且可以升到中四，但大過之後唔知點算好，好迷網咁．．．
如果你成績好既話，唔錯呀！你都１８，９歲啦！長大之後應該搵到好既工！
同埋輕鬆好重要，輕鬆一下啦香港人！又唔係要你打仗．．．
唔洗日日提心跌蛋咁既！搵一日叫埋d fd出去做自己鍾意做既野∼
不過千萬唔好做ｄ犯罪既事呀！唔好做傻事呀－３－”
如果真係唔掂見下心理醫生，同我講多ｄ心事！
睇多ｄ笑片啦下！！！我好似講到好嚴重咁．．．．
我都好可憐你覺得你好大壓力咁，因為我未試過∼

curious5354

放心!!! 我已經考哂所有中七ge公開試喇!!!
唔會再有壓力加諸喺我身上架喇!!!
成績點都好...我唔理喇!!! 要玩番夠本!!!