[原創文章]夕陽行業之蔴雀館！（已更新） 政府

soso128

  蔴雀館可話係夕陽行業！大家唔知有冇接觸過呢？先講下佢歴史...在5,6拾年代已存在....初時政府眼見好多人在士多打蔴雀最多見到有多達7,8枱.....於是立例要領牌照才可經營！牌照高鋒期有300多個！直至70年代只得200個左右！去到70年代中政府已不再發牌,現只有不超過100個牌照？為何會叫蔴雀館做夕陽行業...是有原因的！1:因牌照持有人一死便被收回！2:地方要大相對租金也多！3:後繼無人(老一輩退休,而新一輩也未必會入此行！)4:在現時經濟不景也有關係！         如大家有興趣知蔴雀館可看星期日atv節目後再作答問！下次會講蔴雀館?構同運作......每位工作人員扮演角式同蔴雀館"術語"

soso128

如在旺角都有好多間蔴雀館！佢地大都是租金好貴,只有小部分是自購物業，現這行已出現(郭)喉式爭客路！如派利是,兢爭好大！在這先同大家講下蔴雀館"牌種"<<<即打幾大！在70年代仲有5元10元......20元40元....30元60元...上面3種牌種相信只有屯門或大埔至見到！現只少部分才有30/60元打！仲係冇煙同咖啡奶茶送...！去到打50/100元...100/200元....200/400元...300/600元...500/1000元....1000/2000元....！就有....打得大當然食也高一些！魚翅,鮑魚片飯都有，以上是蔴雀館"牌種"全部牌種抽水0.25政府規定....仲有規定由下午12時至晚上12時<<<超過12時收工會比牌照部(釘牌)0.25水怎計？即打50/10抽20元...100/200抽40元...200/400抽80元...300/600抽120元.....！下回再討論蔴雀館其它！有此興趣會員想知多D此行可回覆.....我盡我所知給大家分享吧！

soso128

要入這行現比較易....以前入行要熟人介紹！有蔴雀館都會登報請人...跟住訓練佢有些比較醒目又會打得一手好蔴雀才用,用新人只是不想比人覺得蔴雀館員工都是老人家！現初入行都有12000元左右要看那間公司,有包薪制同花紅制2種，花紅即當日徐了(皮費)支出如贏錢的話餘下來就係當晚花紅！有公司是5毫或1元起花紅不定，如一元起花紅計徐其它開支就係花紅:例如當晚有250份每員工就有250元！包薪就冇啦！以前每日出糧,現多在10日出一次！至於假期從前是返4日放1日...現改左返3日放1日等員工唔好咁辛苦！做足一年有10天大假或7天，其實都唔錯但企足成日都好慘！公司會包員工2餐...中午同晚餐,但冇宿舍你住！蔴雀館開支好大....叫佢做夕陽行業都冇錯！

ezratse

下面引用由soso128在 2005/08/12 05:07am 發表的內容：
要入這行現比較易....以前入行要熟人介紹！有蔴雀館都會登報請人...跟住訓練佢有些比較醒目又會打得一手好蔴雀才用,用新人只是不想比人覺得蔴雀館員工都是老人家！現初入行都有12000元左右要...

咁輸左錢點計？？？

FaNnYcKw

麻雀館有d地方都同大排檔一樣。
1) 已然唔再發牌
2) 政府趕絕佢o地，唔想佢o地發大o黎做。
3) 個牌都係唔可以傳畀下一代。
講真，我成日行過都想入去睇一睇。
不過太細個，入到去格格不入。
加上牌章又唔係高，又唔識規舉，所以冇入過。
不過唔講真係有咁都規舉，真係多謝你。

soso128

下面引用由ezratse在 2005/08/12 05:50pm 發表的內容：
咁輸左錢點計？？？

你問怎計???看你打多大.....如50/100...做庒食雞糊位位比100,平糊200！如庒輸比閒家也一樣！若是閒家輸比閒家雞糊50...平糊100...！

soso128

下面引用由FaNnYcKw在 2005/08/12 09:08pm 發表的內容：
麻雀館有d地方都同大排檔一樣。
1) 已然唔再發牌
2) 政府趕絕佢o地，唔想佢o地發大o黎做。
3) 個牌都係唔可以傳畀下一代。
...

有好多蔴雀館裝修很靚！唔夠18歲入去員工會請你走,如你看來已過18但又真係唔夠18既話....遇著差人查牌蔴雀館就比你害死啦！會收到個區警察部去信>>>牌照部,要求持牌人解釋！

soso128

現再跟大家介绍下蔴雀館人物,角式,工作性 質！因員工好多要分組,每组人數不定！ 1>頭牌==即總管員工！            2>單位==管理人！        3>枱面==又叫(鄧牆)！       4>女工==招呼客人！5>後生==即什麼都做！ 5>柜面==管理員工交來輸赢之数(1-2人) ......6>賬房==管理公司賬目(1-2人)其它員工>>>老圍==是公司請來在唔夠人打牌時佢地要落塲打！人工约460元打4小時,但同公司輸赢兩份,(460元應是公價！)東團>>>又叫>>打老细,即係幫老细打牌,輸赢都係老细，如赢錢有花紅分！{不過好多都冇用)     打飯更>>> 在員工吃飯時幫手打牌抽水，工作返3-7時200元(未必每間蔴雀館會用 )xxxxxxxxxxxxxxxxxxxx已介绍過蔴雀館員工各人工作崗位,唔知大家會再想知此行其它？可以回覆...我將所知告知大家分享！

Chung1219

我 10 年前亦經常竹館打牌....哩 D 資料非常正確 !!
妳竟然....係個爛賭婆 ? 哈哈 XD ∼

butn

我以前睇電視得知:
-麻雀館雞糊打到四番(清一色都多鬼餘);
-唔可以轉章叫少飛(即3飛變兩飛);
-先摸牌後打牌(有人鍾意先打後摸的);
-唔打開口牌
麻雀館內好似有十大規條, 唔知有無人記得呢.............?