- UID
- 67394
- 帖子
- 1181
- 精華
- 0
- 積分
- 12370
- 代幣
- 11189 元
- 評級
- 0 分
- 閱讀權限
- 1
- 來自
- 冥皇星魔蠍殿
- 在線時間
- 0 小時
- 註冊時間
- 2004-10-28
- 最後登錄
- 2008-1-31
|
1#
發表於 2006-4-8 02:59 PM
| 只看該作者
以下文乃轉貼帖子:
今日響我朋友口中得知一件好可怕的事，就係我老友住20樓的，有條友住上層，初初搬入來時，都只係久不久打狗，慢慢地，就變成晚晚不停打狗，當沙包咁打d狗每天晚天都有狗喊聲，喊得好慘，本身狗的喊聲，變到係沙啞聲的狗喊，仲要係每逢夜晚凌晨一點左右開始，打到凌晨五點。呢種生活維持左好幾個月…之後同看更講話有人打狗，看更都知道，亦有上門警告過男住客，但情況依然係無變…原來全棟樓的住客都知呢個男住客晚晚打狗，亦叫佢唔好再打狗，個男住客見意接受，態度照舊…
終於有一日，我朋友遇到上層的男住客，我朋友就說‘你唔鍾意d狗，你就放左佢一係你就比左人，唔好晚晚打佢啦！’ 之後個男住客就話d狗狗又污JOE，又食屎。但我朋友從看更口中 得知個男住客係唔放狗的，我朋友就鬧個男住客‘你唔放狗，d狗咪響屋企度屙囉！你打d狗，咁d狗咪認為唔可以響屋企屙，但又急，咁咪唯有食屎囉！’ 個男住客就響度笑，仲話無打狗。
過多一排的一個晚上，我朋友聽到個女仔就好大聲響度大叫，話‘你有無攪錯呀！！！！你掉左隻貓落街？？？’ 我朋友即時心都寒埋，我朋友住20樓，即係個男人由21樓掉隻貓落街……
有一天，我朋友聽到d狗又響度喊，仲聞到有陣血腥味，就衝上去拍門，叫個男住客開門，個男住客就唔出聲，扮無人響度。我朋友就話‘你開門呀！你唔好扮唔響度呀！頭先我聽住你仲響度打狗o架！’個男住客相信即時無再打d狗了，因為本身d狗響度喊緊，都突然靜晒…繼續扮無人響度…
我朋友一晚終於忍唔住，打電話報警求助，話有人虐畜，願意出錢比d狗狗驗傷。如果真係有傷的話並願意上庭作證，點知個差佬就話‘小姐，我地只可以告憂人清夢架咋，動物方面，你打去漁護處啦！’
第二天早上，我朋友就打電話去漁護處，由頭講一次遇到的事，漁護處個答覆係：我地只係會收留被遺棄的狗隻架喎，咁不知你打去愛協果邊睇下幫唔幫到你啦！
我朋友聽到咁，咪再打去愛協果邊，又再次地講多次遇到的事，今次愛協個答覆仲離譜！！！愛協就同我朋友講：依家人地打仔，關乜你事呀？ ._/. 有無攪錯？！我朋友就開始勞氣了‘依家乜野人地打仔呀？依家係有人虐畜呀！你地愛協得把口叫人愛護動物架咋？’ 愛協又來玩射波遊戲了…問我朋友‘咁小姐你有無報警呀？’ 又要再說多次個故事…到最後，愛協個答覆係：我地都無
法架喎，差人都唔受理。。。如是者，即係投訴無門啦~~~
咁再過多一排，我朋友從看更口中得知，有一隻狗的屍體於21樓的後樓梯，係清潔嬸嬸發現的，仲嚇左清潔嬸嬸一跳，死狀恐怖…一隻古代牧羊係滿口鮮血的！仲要最衰係隻狗響個狗籠入面，隻狗連個籠就咁樣拖出去後樓梯！咁即是話隻狗係比人打到內出血而死！我朋友就質問個看更點解唔即時報警，個看更竟然話唔敢舉報個男住客>0"<
諗住呢件事會完結啦，點知又發現枕頭袋，入面係袋住一隻蠟腸狗>0< 無幾耐，個男住客就搬走左了，原因係個單位係個女朋友交錢的，而個女仔同個男住客因為掉隻貓落街分手。
我聽完呢件事，覺得好心寒！呢個世界點會有d人鍾意打狗成性，當狗係沙包咁每晚‘砰砰’ 聲咁，打足幾個月都係咁打，一隻又一隻動物遇害！而最令我覺得憤怒的是：原來愛協都係得把口去愛護動物！我朋友打每個地方求助時，都願意拎埋錢比d狗去驗傷，都無人理！當我朋友響度發UP風！呢個係乜野世界？！真係d狗狗有難，有人挺身而出，那又如何？呢個部門唔想做野，就射波，將個波射來射去。如果呢d部門肯做野的話，就唔洗無辜咁死左！
唔該各界朋友，將我呢段訊息盡量forward出去，因為我好希望大家留意下身邊有無呢d咁無人性既人，如果有的話，唔好好似個看更咁‘唔敢舉報’ 同埋大家如果真係遇到咁情況，應該點做。個個部門都話唔關事，我地愛護動物的一群，應如何處理？真係覺得香港的小動物好可憐……唉~~~~
果個人渣, 小心後尾果幾年呀!!!!
愛協識鬼愛護動物咩! 人道毀滅佢地就識! 根本一d都唔人道!!!!
我覺得而家除左要講human rights, 同時亦都要講pets rights, 六四遊行我冇興趣, 七一遊行我都冇興趣, 但如果有愛護動物遊行, 我一定會參與!!!!
我同我d朋友養寵物, 自己唔拾得買衫買零食, d$$都留返黎買野俾d寵物, 當佢地係自己親生仔女咁養, 既然虐兒可以報警, 點解虐畜唔可以報警?
政府無能! 愛協混吉!
俾我會搵報館幫手! |
|
