香港交通工具猛鬼故事(第一集--地鐵太子站與深水步站) 交通工具, 太子站, 鬼故, 鬼, 荃灣, 深水步站

happyfrank1

我位姑丈及有朋友既屋企人都係從事兩鐵既司機.所以我都知道不少關於鐵路既靈異故事..好想與各位分享下多個關於香港交通工具既猛鬼故事..
  
  今次第一集係講地鐵太子站與深水步站間離奇出現清朝官員...事源係我個朋友既爸爸幾年前如常駕駛部地鐵行荃灣線啦,當部地鐵離開太子站將到深水步站間時,佢係洞突然見到遠處有幾個有條辮子既清朝官兵,官兵中間還有一輛大喬,佢地由右行去左咁出現..

   本應地鐵司機守則講明司機如果係駕駛時遇上特別事故就必定要報上去控制室架....但係我個朋友既爸爸都見怪不怪喇,都係唯有直衝啦,佢部地鐵如常往前行,當將駛近果班清朝官員時,果班清朝官員就立即咁消失左喇..
   
  而好快部地鐵就到左深水步站喇,好慶幸果程車再無特別事故發生,佢亦都無報上控制室知,因為佢諗如果報左上去,講都無人信啦,同埋如果上頭覺得佢精神有d錯亂亂講野,想俾人炒咩?..

    但其實有d行內鐵路司機駕駛時都遇過不少猛鬼經歷架喇,都有d傳過出去..唔知各位有無認識過從事交通工具職位既人, 或者搭交通工具時有遇過d奇異經歷呢?
  
    下一集將會與各位分享地鐵佐敦站的靈界小朋友玩耍故事...敬請留意

joe198663

Thanks for your generous share!
Wait for your next story come... ^_^
Actually it is rare for me to hear some ghost stories about MTR...
According to your story, I get a few questions...
It seems that these two MTR stations relate to the Chinese history...
Since it is interesting that the ''清朝官員'' appeared in a modern city...
It might be a important place in the past between Prince Eward & Sham Shui Po...
We may find some culturals there...
Do you get some details about there?
And did your uncle ask the other staffs about the background of the MTR station?

happyfrank1

  多謝 joe198663   會員既回覆呀^^ ..
  依個故仔係我個朋友講我知架 , 因為佢向來都有同佢爸爸傾開地鐵平時返工既野,佢地父子關係一向都好好架,咁我就聽到依個故仔喇,我都見過佢爸爸架,我住荃灣架,試過搭地鐵見到佢爸爸架.... ^^  
   
   我都覺得依個故仔都好有中國歷史feel架....其實出現有關清朝官員靈體都唔出奇既,因為係清朝期間,香港開左埠啦,有條1842年南京條約之後,香港島雖然轄讓左俾英國,但果時九龍半島,新界仍然受到清兵管治架....
   
   仲有,其實依家既地鐵太子站至深水步站之間個位置係好有一個歷史意義架,就係正正經過既係 "界限街"...

   依條"界限街"既歷史意義相信各位都知架喇,就係以前鴉片戰爭後,清政府與英國簽訂各不平等條約中, "界限街"就係一條分水線,分隔九龍半島及新界兩地喇..

   其實車長與車長之間有時都未必相識架,有緣先識到囉,都係跟班次開車,要夠準時架,唔可以成日同其他車長傾到計架..
   
  我個姑丈就多數放工就返屋企好倦架喇,  佢係九鐵車長黎架,好少同行內人傾番d怪事囉,有時母親節呀,痳生日呀 ,我見到佢,一定會同佢傾下依d野囉..
敬請留意香港交通工具猛鬼故事下集內客啦,多謝

  

笨小飛

的確地鐵工作人員係好易撞鬼, 因為地鐵一年365日不見天日
由其隧道, 陰氣一定好重, d鬼最鍾意呢d地方
希望各位地鐵司機平平安安喇.....

nightmare12

又有幾緊要呀
我爸爸是做地鐵維修的
你要知道做得呢樣一定要係在零晨做野的
佢同我講點解咁多人話聽到鬼聲聞到臭味
好大原因係因為地鐵站入面既水管發出既
而臭味好多時係因為地鐵站內本身都會放置左好多野,有好多都係一d發出異味既野
所以日積月累會有怪味,呢兩樣野都好易令人覺得有鬼

死神天使

下面引用由nightmare12在 2005/04/25 11:05pm 發表的內容：
又有幾緊要呀
我爸爸是做地鐵維修的
你要知道做得呢樣一定要係在零晨做野的
佢同我講點解咁多人話聽到鬼聲聞到臭味
...

係呀
好多時有臭味的地方下面有d污水渠
d味散唔到咪會飄上地面囉
好似太子站咁,
之前d人話果道有臭味係有靈體所至
其實係果道有條大污水渠在隧道旁
咁d臭味好多時咪飄o左入月台囉!!!!

雲佬

下面引用由笨小飛在 2005/04/25 10:09am 發表的內容：
的確地鐵工作人員係好易撞鬼, 因為地鐵一年365日不見天日
由其隧道, 陰氣一定好重, d鬼最鍾意呢d地方
希望各位地鐵司機平平安安喇.....

但係有D地鐵站係架空wor,我個人認為lee d地鐵站陰氣
無咁重

鬼卍簫

地 下 鐵 站 係 真 係 好 多 靈 介 既 朋 友 。
因 為 人 地 講 在 築 起  地 鐵 既 時 候 ( 1 9 7 0 - 1 9 7 8 ) 中 死 好 多 人 。
仲 有 好 多 係 十 幾 齡 既 。

SleepY

good
thx for your shared
mtr真係成日都有d咁既野

taoming

過去太子站一直被形容為最猛鬼的地鐵站，無論乘客或是由地鐵職員傳出的鬼故事也是最多的。
若用科學的角度來說，由於站內過往長期有污水滲漏，當中的細菌會使人不舒服，加上太子站為觀塘與荃灣線的轉車處，人流密集，站內含氧量較低，亦容易使人產生幻覺。
現在經過地鐵站內改善工程後，沒有了污水滲漏，而且候車處亦已加建了玻璃幕門，有關鬼故的傳聞果然減少，另外幕門亦有效阻止了於地鐵跳路軌自殺的事件，車長的心理壓力也相對減低。
不過由於東涌線要經過荃灣華人永遠墳場，所以地鐵有鬼的心理暗影並不能輕易抹去！