dustywind

現時的大陸在謀求經濟發展，在這個非常的時期，社會主義其實係好符合我o地o既國情o既。一旦共產黨下臺，局面好難收拾，邊個夠膽話上臺o既一定係民主政府？真係要推翻共產黨，一定會導致經濟停滯、社會倒退，好似10年文革一樣禍國殃民。我覺得現在好多港人根本o吾了解政治局勢同大陸現狀，一味膚淺地呼籲他們所謂的民主自由。香港需要民主自由，我認爲大陸政府都卑佐我o地足夠o既政治、言論自由（起碼比港英政府時期民主好多掛？），如果有人覺得o吾夠，都可以再爭取；但係對於大陸來講，情況係同香港o吾同o既，甚至可以話好多地方o既人民係好需要社會主義黨派o既。無論如何，共產黨為中國大陸設計的經濟發展方案係可行、符合國情同人民需要o既，一旦共產黨卑人推翻，且不說新上臺o既政府有冇能力幫助中國經濟繼續平穩發展，這一場動亂起碼都會導致中國退後幾十年。係呢個重要o既發展時期，有乜必要發起這樣的動亂呢？
我都認爲共產黨政府不及西方國家民主自由平等，但係呢個係社會主義黨派必然會有o既特質，我o地冇辦法改變。我o地要o弟到社會主義o既缺陷，都要o弟到距o既優勢；而呢D優勢，都係中國人民好需要o既。有D人只關注自由民主，o吾關心經濟發展；經濟發展o吾好，仲講乜自由民主？對於現時o既中國，發展經濟是第一重要o既，只有人民富裕、國家興盛，先有資格對社會主義黨派提出更多民主平等要求。到時即使有動亂、運動爆發，對國家經濟各方面o既影響先會降到最細。
如果過幾十年，國家穩定、社會富裕，有人發動呢個行動，我可能會參加。但係依家，我會話冇可能。無論對於現時o既大陸或香港，平穩發展都係好重要o既，冇必要做D無謂o既犧牲。呢個其實o吾係敢o吾敢o既問題，我地都o吾係細路仔啦，做o野梗係要學會由大局出發，而o吾係去做D幼稚、無謂、注定會失敗o既o野。