[引文轉貼]香港" 隱閉青年"~~ 基督教, 好奇心, 香港, 青年

vling2884

隱蔽青年與世隔絕　一年足不出戶
少年十五二十時，本應活躍好動、充滿好奇心。但隨?經濟及社會環境轉變，本港近年出現一群足不出戶、不願工作及上學的「隱蔽青年」。 16歲的阿Bill一年多前開始成為隱蔽青年，拒絕與外界接觸，以MP3作為隔絕外界的方法，3天不洗澡視作等閒事，只透過網絡遊戲尋求現實生活中難得的「讚賞與榮耀」，足不出戶超過一年。這名現已重投現實生活的過來人說，「時間寶貴，人一生時間並不長，那段（隱蔽）生活並不好過」。
估計全港6000隱蔽青年
香港基督教服務處青年導航及發展中心總協調主任應鳳秀表示，該會曾向36間中學收集隱蔽青年數據，受訪者約0.2％為隱蔽青年，以此推算，本港約有6000名隱蔽青年，但這是最保守估計。
74%中三以下 九成男性
該會去年11月開設「動力熱線」，至本年2月底共收到178個電話，當中約100個有「隱蔽」特徵，需要跟進。
根據初步資料分析，74％隱蔽青年學歷在中三以下，九成個案為男性，「隱蔽」期可以由2個月至3年不等，情?令人關注。
成績差失信心　中三輟學　
自小成績不錯的阿Bill，中一時考進一間著名男校，但在第一次考試時，成績很差，令他失去信心，其後與更同學發生衝突，讓他覺得教師處處針對他，學校生活非常不開心。
當他讀到中三時，學校要求他自動退學。阿Bill約在年多前開始他的「隱蔽」生活。其母因要出外工作，亦少干預他。
MP3「擋」冷言冷語
害怕與外界接觸是隱蔽青年的特性，阿Bill亦不例外，他在買飯時才走出家門，每次都戴上帽及耳筒聽歌，因為聽歌能給他安全感，他回憶說﹕「即使受到鄰居冷言冷語，亦可以借MP3扮聽不到。」
但他亦會記得一些難聽說話，例如有親友語帶諷刺的向他母親說﹕「如果我個仔好似你個仔咁，我一定會掟他出街。」亦有朋友坦言﹕「不要接近他（阿Bill），學他就死得人。」
「愈困愈久 愈不想出去」
阿Bill表示，當時感到很孤獨，「我知道這樣下去不是辦法，但愈困愈久時，愈不想出去」。
何謂隱蔽青年﹖
(1) 與社會上的各項系統缺乏連繫及沒有從事、參與，包括工作、學校、朋輩及社區活動，更嚴重者甚至與家庭缺乏連繫
(2) 人際網絡薄弱、害怕或拒絕與人接觸或交談
(3) 沒有社會身分，如學生、受僱者、受訓者、社區活動參與者等
隱蔽先兆
(1) 開始不喜歡外出
(2) 減少 / 害怕 / 拒絕與人交談
(3) 對身邊的人和事逐漸不關心，甚至不聞不問
(4) 不想上學、不想工作，對以往感興趣的事也提不起勁
(5) 情緒低落及不穩定
(6) 沉迷打機、日夜顛倒

以上o既case我朋友都試過,幾年前佢俾公司裁o左,一直無心機再搵工,更足不出外,之後更變本加厲,拒絕見父母,朋友,只係每日係屋企打機,上網,直到今年年頭,至肯再接觸社會,但佢己經浪費o左自己3年時間!
其實我認為呢班所謂" 隱閉青年",對自己係冇左自信心, 覺得自己好似好無用咯!但呢個世界有邊個人未試過失敗,未受過挫折?自我放棄之餘仲要將個責任交俾父母,社會?!
真係唔值得同情?,剩係識搵籍口,話社會欠佢o地好多,個個人出世都係乜都冇,乜都唔識啦,所有o野都係要自己努力,學習同爭取嘛!!枉呢班人仲話自己讀o左幾多書,?幾多文憑,呸!!!完全睇佢o地唔起呀~~~
唉,香港呢個新一代......

hohayo

我屋企都有一個 隱閉青年,就是我的細佬.自從爸爸去世後(那時他14歲到),就很少外出了.

Butn

下面引用由vling2884在 2005/03/22 06:04am 發表的內容：
其實我認為呢班所謂" 隱閉青年",對自己係冇左自信心, 覺得自己好似好無用咯!但呢個世界有邊個人未試過失敗,未受過挫折?自我放棄之餘仲要將個責任交俾父母,社會?!
真係唔值得同情?,剩係識搵籍口,話社會欠佢o地好多,個個人出世都係乜都冇,乜都唔識啦,所有o野都係要自己努力,學習同爭取嘛!!枉呢班人仲話自己讀o左幾多書,?幾多文憑,呸!!!完全睇佢o地唔起呀~~~
唉,香港呢個新一代......

缺乏自信 --- 經唔起考驗同失敗, 唔懂得去適應同面對逆境;
埋怨推卸 --- 將自己o既失敗同埋自已懶惰成性唔肯去"學"同"做",
將以上一切歸咎其他人, 將自己o既社會責任, 家庭責任大腳回傳
(最討厭乜都瀨政府, 瀨社會o既人)
呢個情況o係早十年係絕對唔嚴重o既!
問題就出在internet o既盛行, 令到" 隱閉青年"人數大幅上昇!
internet未流行, 好多人悶起黎都要出街搵下節目
(當然可以打電玩渡日, 但點都會悶親),
有左internet, 呢類人終於有個"安樂窩"棲身,
埋首網上世界, 繼續努力逃避現實...................

vling2884

下面引用由Butn在 2005/03/22 10:45am發表的內容：
缺乏自信 --- 經唔起考驗同失敗, 唔懂得去適應同面對逆境;
埋怨推卸 --- 將自己o既失敗同埋自已懶惰成性唔肯去"學"同"做",
將以上一切歸咎其他人, 將自己o既社會責任, 家庭責任大腳回傳......

無可否認,internet確係可以幫我o地搵到除左由上堂,參考書以外既更多知識,但佢o既盛行我又覺得佢真係令我o地人心封閉左好多!Buth你話得o岩,以前internet未流行o既時候,娛樂主要係行街,睇戲;但呢一代呢,大部份集中晒係屋企上網,己經去到"廢 寐 忘 餐"呢個地步!!

vling2884

若果各位會員對以上個案有興趣,可以留意27/3所播出o既"星期日檔案~隱閉青年"下集!我都係睇完上集至上網搵資料,裏面講述四個年青人由自我放棄至到與外界隔絕等等.....
我希望各位有時間就盡量睇下~~

wingwing514

我覺得上網不是引致隱閉的主要成因
只是這些青年的藉口和逃避的方式而已
我整天想
這些青年怨天怨地怨社會怨父母
到底有沒有細心想過自己的問題 ?
不想讀書嗎 ? 沒問題, 那就去工作呀
但工作又說辛苦，不肯用心做
自自然然終日賦閒在家,
不上網渡日還有甚麼好做的 ?
誰沒經過青年時期呢
不見得每個也有這般的消極想法
現代有這樣多人會使用電腦互聯網
也不見得每個人也沉溺其中不理自拔
互聯網的作用，是快速傳遞訊息、分享資訊
但足不出戶也可以和外界聯絡這個優點
反而成為了這些逃避現實的 "好去處"
請原諒我比較冷酷的說一句
不用甚麼心理治療、不用甚麼特別關懷
試試殘忍一點
父母不給予零用錢, 也不替他們繳交上網費用
家中不預備飯菜
他們怎樣不願意，也要外出工作賺錢吧
叫他們這些人面對現實
到時候你還怕他們繼續 " 隱閉 " 嗎 ?

邪炎

我覺得導致有"隱閉青年的主要原因係佢地的屋企~
佢地的家人過分溺愛佢地~
有任何問題都幫佢地解決曬= . =
令到佢地受到過分的保護~
從而導致佢地真真正正要獨個兒去面對困難時便只懂逃避!
而且還只係得個講字什麼{我都唔想,我都想做個有用的人,我唔知應該點做好}
我認為這些只是他們安慰自己從而作逃避的藉口~
有好多人比起佢地慘好多~
但係佢地都會好積極咁去面對困難,生活~
為何香港這個富裕地區卻出現了這些只懂逃避的大蟲呢= [] =
我自問並唔係什麼了不起的人也不是一個好人~
但我也不會這樣逃避law!

c0082106

我都有試過做過一輪隱閉青年
當時因為發生左0的唔如意既事啦
日日咁留係屋企
起碼成個月無出過街
連學都唔想返
總係覺得出面唔及屋企咁有安全感
但自從識到一班新朋友後
開始變成今日樂觀既小輝啦

曲巴

我也算是半個隱敝青年, 有時遇到不如意的事, 或和屋企人吵架之後就變得很不開心,
什麼事也不想做, 又不敢搵朋友, 我阿媽又惡, 好多時都唔講道理, 只是駡..  唔理你是
乜野, 一唔合佢心意就駡.   由細到大都是咁.   如果有能力都想一個人住,  我是一個鐘
意靜的人,  覺得佢地真是好 噪...

maggiee

我brother都係啊，點算啊？
我好想help佢啊