有冇專家可以話我知我應該點做~ 男朋友, 性格, 旅行

天女

我有一個男朋友已經拍左5年拖,同居左2年,我地已經計劃左結婚,
但係唔知由邊一日開始..我發現自己鍾意左我個fd...
呢個fd已經識左6年...而家差唔多一個星期都會出黎3,4次食飯,
熟既程度去到大家訓埋一齊都唔會有野發生,佢手提入面我個名係打"8婆"
係我個電話度佢個名就打"仆街".....
識左咁耐大家對大家都冇感覺...因為我圍內d fd都識左4-5年,
個個都當我男仔咁,而我都冇咩女仔fd,因為我唔太鍾意女仔d婆媽性格...

但係唔知由幾時開始每次我同我男朋友諗將來既野..我就好驚...因為我心入面諗既人唔係佢...係我地個fd..............

而我男朋友係一個工作狂...每日十點返工..夜晚起碼1點先返...
所以我成日都好悶...由於佢咁忙..所以我多數都係自己同d fd出街
去旅行,行街,都係同個幾個男仔fd去,由於我男朋友太忙...佢愛佢既工作多過我..
我地呢一年亦冇咩講...每次同我個個fd出去我就好開心...佢係一個好識照顧人既男仔...我識佢咁耐佢都冇拍過拖...但係佢唔係唔靚仔ga啵...只係佢好怕羞
就萛有女仔追佢佢都唔受...我都唔知點解...
但係我真係發覺自己鍾意左佢,同佢一齊個陣..我有心跳既感覺...係我好耐都未試過有既感覺.....
但係我欠我男朋友既野實在太多,令到我唔敢同佢講分手我而家都唔知點好
但係我我男朋友行左咁耐..感情都好好..佢亦未試過做過d對我唔住既野
佢係一個好有責任感既人..即係做老公就好好...做男朋友就麻麻個隻
而家唔知點做好...唔知有冇人可以話我知~"~
如果我同我男朋友散而去追我個fd有好多問題..
1)可能會大家冇fd做
2)一齊左既話其他fd會好睇我地唔起
就萛我都覺得自己好賤格...有個咁好既男朋友仲諗第二個....
但係愛情呢樣野真係好鍾意玩人...
希望大家可以比d意見我..可以點做

天女

um....其實我同我男朋友而家感情都去到幾差既地步
由愛情到感情,再由感情慢慢變淡
淡到我而家一見到佢有少少唔鍾意既就好易抆同發脾氣
(例如:d衫周圍放,用完d野又唔擺返好.....)
總之就係一唔順眼d火就黎..想控制都控制唔到
我都試過整定d野食等佢放工一齊食
又或者煲d湯拎去佢公司比佢飲
做好多好多既野去搵返d感覺
但係好無奈..係唔得...
就萛我只係好想同佢出去睇場戲食下飯都好難
次次都好似要同佢ook時間咁
我其實都唔知我係咪太悶太寂寞太得閒
而家有個人關心我就自己比左自己錯覺都唔知
但係如果要我同我個fd疏遠d睇怕都好難
因為我地真係太friend,
好多時佢放左工冇人陪佢食飯就會買埋野去我屋企
叫我陪佢食...當然我男朋友係知而又唔介意啦
因為我其他fd都會咁做
其實我而家都幾亂...
1)又唔知好唔好我同我男朋友分手呢?
   其實自己係唔想分開既
   但係感情好似已經冇辦法修補咁
2)究竟我係鍾意左我個fd呀定係佢太關心我
   而自己有錯覺呢?
我而家先20歲,我真係好想諗清楚呢個男仔係咪真係適合我
我好驚自己嫁左會後悔~~
不過點都好..多謝你地既意見同關心
始終局外人睇野會清晰d
~thx~

天女

佢今年都係20,佢返左呢份工都3年
呢一年我已經不斷同佢投訴冇時間陪我
佢好想我做佢身後既女人支持佢
但係呢三年我就好似冇左個男朋友咁
每次行街食飯都係搵d fd
就好似早兩日我好想去"朗豪坊"行下
咁我打比佢,佢就話"你叫xxx(我話鍾意個個fd)
陪你去啦,我邊得閒呀,最多你買左d咩我比錢啦,
唔講喇係咁啦,88"
而家就好似我已經同左我個fd一齊咁
行街睇戲食飯都係d fd陪
就連病左都要我個fd買野比我食
但係呢d佢都知ga啵
有時仲係佢叫個fd陪我ga啵
我14歲同佢一齊
到而家6年感情分開我其實真係放唔低
我同佢都好想搵個解決方法
所以我都唔知點

天女

咁而家係咪應該體諒佢
接受佢因為工作忙而冇時間理我呢~"~

天女

我都好驚我會鍾意第二個
咁我可以做d咩去修補返個關係...
因為再係咁落去我真係受唔住