[思考問題] 妳願意跟這個男人一生一世嗎 ? 香港, 心理, 明星, 花園道

aso

假如有一個男人，英俊不凡，儀表出眾，懂得享受生活，不僅衣食無憂，而且絕對滿足到妳及妳的家人一切物質需要，最重要就係會對妳專一不二，會對妳無微不致，妳幾乎在他身上找不到缺點，就如以下例子，妳願唔願意跟佢一生一世呢 ?
(假設 : 男 -- A君，女 -- V 小姐)
V 小姐 : 我想一個人去 shopping !
A君 : 拿這張 DBS AE black card 附屬咭去吧，non limit credit，用來買樓，買私人飛機都得，我叫司機揸架 Rolls Royce 接送妳。
V 小姐 : 我細佬剛考到車牌想買車，不過新牌仔不用揸什麼靚車，我驚佢唔識亂咁撞，好似阿邊個邊個明星仔咁，唔識揸車又學人揸 Ferrari，結果攪到喺花園道抄咗，後尾仲揾人頂包攪到一身蟻.....咦，諗起都得人驚，咁你話我細佬揸乜野車好 ?
A 君 : 就揸 Ferrari 啦 ! 妳知唔知妳細佬鐘意邊個 model ?
V 小姐 : 你想我細佬好似阿邊個邊個明星仔咁，出左事又揾人頂包呀 ! 同埋我點鬼知佢鍾意乜野 model 啫 ? 我都唔識嘅 !
A 君 : 我咁愛妳，又點會要你細佬好似阿邊個邊個明星仔咁折惰啫，我即刻同妳細佬喺 Monza 訂架 Ferrari Superamerica，叫佢哋個 chief engineer 幫你個細佬改埋右呔，我諗呢架會係全世界第一架，亦係最後一架右呔版 Superamerica，實唔會撞到 D 茄哩啡係街揸同一款車。等架車改完右呔，tune 埋 handling 同 horse power，我會通知Ferrari 安排 driving course 比妳細佬，完左 Monza個 course，Ferrari 嘅 course trainer 會倍妳細佬返香港繼續跟進香港嘅街道，總之教到妳细佬無論 on street or on track 手車醒過李 x 健都仲得呀 ! 如果妳細佬唔鍾意揸跑車嘅，Maybach 62 吖 ? 7 百萬啫，全車 custom made，低揸，劉 x 雄由落訂至收車，足足等足一年，但我可以安排一個月之內由德國空運一架新車過黎。
妳睇我幾鍚妳，我自己都未試過買車買到咁吋呀 !
V 小姐 : 我細妹畢左業，考唔到入HKU，佢話唔知點算好……
A 君 : 唔係呀嘛 ? 入唔到 U 駛乜唔知點算呀 ? 等我打返比母校個校長同佢單聲咪得囉。
V 小姐 : 你母校係 HKU 咩 ?
A 君 : 唔係，係 Harvard，有問题 ?
V 小姐 : 有問题呀，佢凈係想入 HKU，其他 U唔會入架，你識唔識徐 x 之呀 ?
A君 : 唔識，不過更加好，我都唔想買人情比舊校長，得 ! 我聽朝幫妳細妹攪掂佢。
V 小姐 : 你點攪掂佢呀 ?
A 君 : Money ! 我聽朝會捐 11 億比 HKU，附帶條件係一定要收妳個妹，仲要 3 年內妳细妹一定要囉到 Ph D，我唔駛佢學人整 D 乜野命名儀式，應該無問题嘅，放心。
V 小姐 : 咁就好啦，仲有，我阿哥想轉工，去你公司度撈得唔得 ?
A君 : 我咁多間公司，妳阿哥想去邊間度撈 ?
V 小姐 : 你話事啦。
A 君 : 咁就去 HSBC 做住 Asia Pacific Region 嘅 CEO 先啦，份工無乜野做，返公齋逗糧架咋。  
V 小姐 : 我仲想要……
A 君 : 妳仲想要咩添呀 ?
V 小姐 : 我想同你做……………..
A 君 : Sorry，呢樣我真係幫妳唔到，我都好想做，不過我細佬唔想，我識佢咁多年都未見過佢起頭，試過 Vigra、Lavita、特敏福、六神丸、針炙、滴 tabasco、甚至拔罐都試過，乜野醫生、中醫、西醫、巫醫、跌打、心理醫生、個個我都睇過晒，唔好話 full erection，連硬小小都唔得，所以妳唔駛諗呢樣野啦，妳可以選擇依家離開，不過妳同妳屋企人所要嘅野，妳就當發左場夢啦 ! 妳選擇跟我，除左 sex 之外，我乜野都會滿足到妳，不過如果比我知道妳同第二個男人上牀，我會有方法令妳同埋妳屋企人從此人間蒸發。
如果妳係 V 小姐，妳願唔願意跟 A 君一世 ? 俾 D 選擇妳地 :
A : 願意，因為 A 君對我實在太好，我係真心鍾意佢，就算無 sex，我都在所不計
B : 願意，因為我對性無乜興趣，錢最緊要
C : 願意，不過唔會跟佢一世，我會揾人令佢人間蒸發先，再繼承佢份遺產，錢得到手，晚晚做潘金蓮，洒池肉林都得呀
D : 願意，不過我唔敢殺人，唯有買多幾條假狗
E : 願意，其他原因
F : 不願意，我性慾太強，性權至上，叫我成世守生寡 ? 俾幾多錢都無用
G : 不願意，我有本事揾錢養自己及養家，錢 ? 我夠駛就算，唔值得為物質為錢去倍個虧佬一世，我又唔係雞
H : 不願意，其他原因

Hollyren

C : 願意，不過唔會跟佢一世，我會揾人令佢人間蒸發先，再繼承佢份遺產，錢得到手，晚晚做潘金蓮，洒池肉林都得呀
--------------------------------------------------------------
傻既都會甘撿啦!!!!!!電視電影都有得做啦!
還有就是希望樓住加回自己的意見!

aso

下面引用由Hollyren在 2005/11/18 07:21pm 發表的內容：
C : 願意，不過唔會跟佢一世，我會揾人令佢人間蒸發先，再繼承佢份遺產，錢得到手，晚晚做潘金蓮，洒池肉林都得呀
--------------------------------------------------------------
傻既都會甘撿啦!!!!!...

真係睇清楚你為左錢乜都夠胆死。
我會揀 A，我不會貪錢，也不在乎性。
一段感情建基在愛，會使這份愛更純潔、更永恆，
為真愛我願放下名利，
為真爱我願不惜代價，
為真爱我會義無反顧，
為真我我願犧牲一切，
為真愛我願涯儘風霜，
為真愛我會死而無憾，
為真愛那怕一無所有，
為真愛我願竭盡所能
但，到頭來
為真愛我已尋覓一生。

Hollyren

如果呢位先生連呢句"除左 sex 之外，我乜野都會滿足到妳，不過如果比我知道妳同第二個男人上床，我會有方法令妳同埋妳屋企人從此人間蒸發。"都講得出口的話,我選C是明智之舉!!!!!
他只是用錢來收買他身邊的人,用錢來買來"愛情",自己得不到的東西卻想任何人也得不到,他不是真的愛這位女子,只是當他是擺設而已~如果他有了性能力的話,我想當他不再為性能力而煩惱的時候,最大的煩惱而是艾滋~而且煩惱的不單是他,而是他身邊的犧牲品~

靈亞

H.
我會擇H.只是因為我討厭這個男人...他所說的都令我覺得他好恐怖!我不喜歡有些人什麼都用錢去解決問題...還有,根據以上的對白,我覺得這個人眼裡就只有錢...什麼是愛情他才不懂呢!和這種人一生一世簡直是自己開自己玩笑。

vling2884

選擇H..
無可否認..
這個男所給予的物質生活..
又確實極之吸引..
但有得就定必有失..
看其附帶的條件便了解得一清二楚..
尤其是語氣當中..
竟滲着幾分恐嚇意味..
可怕~~~~
感覺似是宗買賣交易多點..
暫不提是否有性愛可言..
但這種似是而非的感情關係..
我真的不渴求..
且要終日過着言聽行從的生活..
亦不稀罕也罷！！

joe198663

謝謝你的分享!
很特別的case...
而我選了這個...
''H : 不願意，其他原因''

因為我要的是他的真心...
我要的是一段真正的愛情...
我所追求的是真愛...

只有錢財物質的他決不會是我選擇的類型...
我不想對著一個空殼做人...
我不想我下半生活在罪惡之中...
我決不會嫁給這麼的一個人...

試想想一個只懂用錢去解決問題的人...
他會真心的愛你嗎?
錢又能買到你的真愛嗎?
這一刻, 他喜歡你, 什麼也能能為你做...
下一刻, 他對你生厭了, 你只是他的一件玩物...
玩厭了就是拋棄, 而他的腳下又多了一個亡魂而已...

而且他的不擇手段實在是太可怕了...
只懂用錢收買別人...
更會用錢去買兇殺人...
萬惡的金錢是多麼的恐怖...
醜惡的人心又是多麼的殘忍...
他什麼也能做得出...

一個豪無安全感的男人...
是最討厭不過的了...

而他性無能的問題, 我是絕不介意的...
我是相信有愛無性的...
我就是接受不了他的人格...
我就是討厭他滿手的錢臭...
我更是受不了他虛假的心...

物質生活的充斥,
可能令我們迷失了自己...
蒙蔽了我們的一雙眼睛...
而我們的心靈變得更是殘缺...
更是空虛, 行屍走肉...

請不要為生存而生存...
人的活著, 全是有愛的存在.......

aso

多謝各位朋友的分享和意見，以下是這個故事的後記。
寫這篇故事的原因，是因為看了另一位樓主一篇题目「十種不能愛上的男人」的文章，忽發奇想，就印用這篇文章作一個延續，假如有一個男人，不單只沒有以上十大缺點，而且，他英俊不凡...............
但後來寫完發覺頗為喧賓奪主，莊閒不分，於是抽起，另起一個题目作獨立發展。
故事的主角，A 君及 V 小姐，可能有人會聯想到這是不是與日本的 AV 有關 ? 不是，其實是真有其人，A 是我，V 是纏繞我半生，曾經甘苦與共，彼此相愛的戀人，但以下的故事，與真實的  A及V 是沒有關係的。
配角或其他枝節方面，是隱藏一些意思。
A 君给 V 小姐一張 AE 黑咭去 shopping，我是想讀者一開始就知道 A 君是非常富有的＂，最近經常在電視廣告看到這張 DBS AE black card 宣傳，其實這張 black card 由來已久，從來沒有宣傳，因為非一般人可申請到，更加使這張可以買樓甚至買私人飛機的黑咭凝聚一種「謎」甚至「虛無」的感覺。這電視廣告的出現，除了通知觀眾 DBS 收購了 AE card 之外，是否有些少意味繼gold card 被平民百姓攻陷後，platinum card 亦開始平民化，現今唯有 black card 才可以給各大款繼續虛榮。
A 君買車給V小姐弟弟的一段，我是想借買車一事去讓A君表現他的辦事能力及他願意為他的女人處事的心思，首先要講解少少 Ferrari 的點滴，現實世界Monza 是意大利一個小鎮，亦是法拉利的總部，Superamerica 真有其車，全球限量 399部，全郎左軚，不切右軚，預計2006 年頭出廠，車價大约港幣 350 萬，
由於香港汽車全部是右軚，左軚車在香港運輸署難以登記，所以才需要將左軚改做右軚，但至於找 Ferrari 的 engineer 改車，在現實世界絕對是天方夜譚，而Driving course 是有的，但是不定期舉辦，因為呢一類高性能跑車，一般技術難以控制，所以車廠會舉辦駕驶貨程作售後服務之一，但當然無可能車廠的技司會培同車主返香港再指道他的駕驶技術。
另外，Maybach 62是超豪房車，德國平治車廠 Mercedes Benz生產但冠以另一個出品，此品牌定位比平治 S class 還要高，是與 Rolls Royces、Bentley 等同級 !  
由於Maybach的銷售程序是先收訂，才生產，加上大量工序是人工裝嵌，所以太劉都要足一年，只有創作才可以 1 個月。
V 小姐妹妹考大學那一段，我只輕描淡寫男主角曾接受高深教育。
而 A君介紹工作給 V 小姐哥哥，我曾縮減小許，原本 A君是這樣問 V 小姐 : 「我集團有銀行财務、地產建築、機建土建、空運船邑運、洒店旅遊、電訉網絡……妳哥哥想做那一間 ?」 後來知道 HSBC 竟然是 subsidiary ! 那還用寫那麼多 ?
真誇張。
原本，故事還有 V 小姐的父母及姊姊，不過發覺 A 君已經寫儘，我已經塑做一個近乎完美，但偏偏多年來忍受着最痛心恥辱的男人。   
最初故事的設定，是沒有「除左 sex 之外...............從此人間蒸發」，而 C 原本是「願意，但我不排除我會出去偷食的可能」。後來發現原本的故事太簡單，好像無無謂謂寫一大堆東西，結果其實是二選一 : 錢與性，而我估大部份人都會揀 c，並不是暗吋女性的貞節或放盪，而是人生太多誘惑，對未知的未來，有誰能夠實牙實齒說任何情况下都能夠把持得住 ?
最後加了小小的變化，我想講A 君並不是用金錢來買笑，A 君對愛情有一份執着，他真的是以心為心，A君不惜傾盡所有去尋覓真愛，卻無奈換來被人欺騙金錢，欺騙感情，自尊心被人重創。受到這樣的打擊，各位會不會憤怒至極點，喪失理智做出一些不正當的行為來懲罰傷害他的人 ? 所以 A 君在雙方交往前，講清楚自己的死穴及最後的底線，不想自己受情傷，某一程度上，A 君算不算保護了一些純為貪錢，立心不良的人？叫她們早一些回頭是岸。
當然我相信很多 EQ 稍高的人並不會被失常的理智活埋而做出不可挽回的過錯。
我真正的答案是 E，我願意跟他，係用心，錢只是 bonus，不過我唔能夠保証我出面唔偷食。我怕唔怕偷食被人發現 ? 我並不是背着他長期和另一位異性相處，我們是真正交心的戀人，我相信他最後會原諒我。