小鬼妒忌人

小鬼, 小朋友, 唸經, 公園

好耐冇post啦，開左眼咁耐，見左好多唔同既野，呢個係上星期發生既。當時我帶bb落公園玩滑梯，仲有好多其他小朋友係到玩緊，當中有個小鬼同其他小朋友一齊玩。
小鬼都係小朋友黎，佢地都會想玩，所以我唔會阻止bb同佢玩，不過我諗bb同佢既磁場tune唔正，bb冇同佢玩。呢個小鬼，佢好可愛，相信佢在生既話，鍾意小朋友既，行過都一定會撩佢。
佢同小朋友玩波仔，佢企緊牆，所以人地都唔知小朋友係向小鬼踢波。玩玩下，有個小朋友跌親，我地做大人既，見到有小朋友跌親都會去扶去睇下啦，個小朋友係咁喊嘛。之後又好多小朋友黎睇個細路咩事，仲有位媽媽請佢食糖添，個個人都好關心個細路。
而小鬼就自己一個企係牆邊，可能佢覺得比人孤立左，個樣真係變晒，變到惡狠狠咁，嬲到發紫咁。佢嬲既係嬲我做咩要去關心個細路，個個都去理個細路唔理佢。佢怪我但唔敢對我做o的咩，所以衝左去拍我bb，我bb自己玩緊滑梯，滑到落黎比佢拍一下，成個人跪落地，雙腳瘀晒，奇怪就係bb唔喊，好似唔痛咁。我緊係好嬲啦，過去抱bb，心裡面就警告小鬼唔好攪事，我就抱走左bb返屋企，之後一直心裡面唸經，希望bb唔會比佢攪。
可惜bb當晚都病左，對腳既瘀傷又唔散，我帶左佢去師父屋企，一入去，bb就好開心咁笑，好似唔再發燒咁，師父再幫bb作福做事，之後bb就訓左，亦退左燒。
小鬼妒忌人，唔係少見既，但係咁樣蝦我bb就唔岩嘛，師父將小鬼收左去一個盒到，要求佢唔好再蝦小朋友，好似老師鬧學生咁。最後，小鬼當然要應承師父既要求啦，仲會係個盒到，等佢下一次既投胎。
後記
呢隻小鬼本身唔壞，佢係人地落仔既產品，媽咪一路有燒野比佢，佢只係冇小朋友同佢玩，妒忌心係小朋友都有，更何況小鬼。希望佢好快就可以再去投胎，亦唔好做錯事傷人，唔係既話，師父實會將佢打散。(而家小鬼有個名，叫子俊，由佢媽咪正式幫佢改返，place係師父院外既小屋到)

收藏分享評分分享

檔案區相關檔案

	香港恐佈都市傳聞揭1984年維園公厠裸屍案鏡子裂開之謎去過外國的朋友就知道，香港的公厠之密集，而且整體來說都算乾淨（比起90年代以前和外國有些地方）。香港密集的公厠數目跟開埠初初期平民住宅不流行設有厠所有關，當時港...
	靈異新聞大陸「改運小鬼」攻台灣台灣有人「養泰國小鬼改運」風氣，有人竟搶此生意，在網上推銷號稱由「江西茅山術大師」取自福建亡魂煉製的「大陸小鬼木偶」（圖），售約2,000港元。賣家更吹噓這是為...
	靈異新聞冥界社交網站搵「單身鬼」做朋友單身派對、交友網站……要結識異性的豈只人類，冥界小鬼亦需「靈魂伴侶」。網站「GhostSingles.com」就洞悉到這個市場，為鬼魂提供一個交友平台，有健談、...
	香港猛鬼地方傳聞 [會員驚歷]北角寶馬山鬼屋離奇水浸腐屍... 香港的寶馬山有一間鬼屋，很多附近的學校的學生都曾經在此遇上靈異事件。寶馬山是位於香港島北角的山上，是東區的一個名校網，於1960年代，寶馬山開始開發為豪宅區。寶...