最近返工太無聊囉返起凶宅網...睇返自已以前住果度.....康怡花園
最後挑起我發表返同家人傾開既果度既怪事同傳聞
86年某座既分屍案我諗大家都記得掛...
我住命案果座既21樓 我小學同學住3樓(命案果層) 我之前去玩我阿媽都陪我上去的(點解上去?) 因為果座既設計係....咁 1座樓分兩邊, 我住右我同學住左, 變左我要落去地下轉去右邊分樓再答電梯上去....
係上去既時後, 雖然短短3層-.-...但係一入電梯就已經發現個3字已經著左....即係唔洗我地郁手禁個制......當時我點會聯上鬼怪事情黎諗...仲好口爽咁同媽咪講..."哈, 真係好 有人禁定比我上去 "
當然去到3樓後我就同我d同學仔玩喇, 到夜晚6-8點上下我媽咪黎接我果時 面青青咁...
到左成13年後既今日傾開鬼既野問返佢果時點解會咁唔自然呢.... 佢就話果日佢送完我去玩之後架電梯一直keep係3樓....而門係關上, 開頭以為係壞左但係禁極個鐘冇人知冇人聽, 禁左成10幾分鐘之後d燈都冇埋, 只好邊叫邊禁開門... 但係叫左5分鐘上下都心知乜事, 叫都冇用就只好心中不停背主禱問.....最後門開燈開了, 但係一開門佢係見到個男人(好實體既)但係點都唔見面既....好依希咁係出面3樓電梯門口度行開左仲要係慢動作既,而行果時係不停有d ee哦哦哦既聲 ....當佢消失後, 先至順順利利落返地下, 而呢3層既距離好似感覺上由30層落到地下既距離...時間好難過
最後落到大堂門返個保安叔叔..點解禁極個緊急鐘都冇人應架....保安叔叔話坐係度咁耐邊有人禁鐘, 而且太太你入左電梯幾分鐘....你連制都冇禁過.....
最後媽咪當然嚇到呆而且跑返屋企喇...之後佢仲考慮緊點接我...想話叫我自已返黎...
不過佢最後用好大勇氣黎接我話屋企..真係感激....
而接我果時亦都冇任何事情發生
後期我而家大個左我同媽咪傾返...佢講左一堆傳閒同最近呢幾年既靈異事件比我聽..
大家有興趣既我會慢慢打出黎po落去/ \
如果有關於康怡既資料 請各位大大幫補充補充 謝謝 |