呢d靈異事件係發生係我家姐間學校既.
佢話發生係佢F.2既時候,應該94年到啦!
1.有一日我家姐同佢個同學食完lunch返班房(聽佢講唔知係201,202定301,302喇),個陣時都幾早下,班房得一個男仔係度做功課.而我家姐同佢個fd就坐番自己位傾計(佢地係坐係最尾個排既,後面係壁佈版),傾傾下,佢地突然聽到有一把大約廿零三十處既女人係度唱歌,但係我家姐同我講話d歌唔係流行曲,未聽過既,好似好舊咁,不過d旋律好好聽.我家姐話佢哼得好正.佢話佢地個陣時唔係好驚,當冇野.大約維持左10分鐘到,其他人陸續返黎d聲就冇左.佢地事後問個個男仔聽唔聽到,個男仔話佢都聽到,不過就冇理到繼續做功課.
2.亦到係F.2既時候,有一日上中史堂,差唔多成班都訓晒覺,只得我家姐同埋幾個同學係度做其他野,個阿sir無端端講錯野,有把女聲係度話'好瘀呀,呀sir.'仲要係度笑.過左一陣就冇左喇.小息既時候冇訓個d人都話聽到把女聲.(但係我就冇問到家姐case1同case2既女聲相唔相同)
3.我諗讀呢間既學生都知禮堂既唔知邊度(我都唔知)掛住左好多風鈴.我家姐話佢阿sir同佢地講有風鈴既原因係有一晚個miss做野做到好夜,佢就叫校工唔洗鎖禮堂個門,等佢鎖.當佢鎖好門轉身走既時候,佢聽到禮堂裡面有細佬既笑聲,當佢拎番轉面,佢見到好多綠色既細佬係度玩..之後個miss就暈左...個miss之後點我家姐就冇同我講喇..之後就請左d法師黎收左d細佬入風鈴度..我家姐話禮堂個台下面間房陰氣好重!
我以前住兆康個陣時夜晚經過間學校長期都開住燈..聽人講話除左防賊之外就係個d野喇..
我都覺得間學校好恐怖.聽人講學校前身係亂葬崗(不過度度有鬼既話都話很前身係亂葬崗).
同埋隔離又多蕉樹.有野都唔奇.唔知有冇人可以提供關於呢間學校既其他鬼故呢??唔該晒^^(好多人都話呢間學校好似係屯門係最猛鬼既)THX~~~ |
發表於 2004-11-9 07:52 PM
| 
